No Boletín Oficial da provincia da Coruña nº 9, do 14 de xaneiro de 2022, publicáronse as bases específicas que regulan a convocatoria para cubrir, por persoal funcionario de carreira, seis prazas pertencentes á escala de Administración xeral, subescala auxiliar, subgrupo C2, vacantes no cadro de persoal do Concello, polo sistema selectivo de concurso-oposición libre. Esta convocatoria específica desenvolve as bases xerais da convocatoria unitaria publicada no Boletín Oficial da provincia da Coruña nº 57, do 23 de marzo de 2018. O prazo de presentación de instancias será de vinte días hábiles, contados desde o día seguinte ao da publicación do anuncio desta convocatoria no Boletín Oficial del Estado. Logo da dita publicación os sucesivos anuncios relativos á convocatoria publicaranse no Boletín Oficial da provincia da Coruña e no taboleiro de anuncios do Concello.

Oleiros, 24 de xaneiro de 2022

O alcalde
P.D. (Decreto da Alcaldía nº 2019002619, do 20 de xuño)
Margarita Figueroa Vázquez
Segunda tenente de alcalde delegada de Persoal