O director da Axencia de Protección da Legalidade Urbanística resolveu, o día 28 de outubro de 2021, incoar expediente de reposición da legalidade urbanística en relación coas obras existentes en solo rústico consistentes no incremento de volume en altura para cuarto sobre vivenda existente no lugar de Arra, número 8B, parroquia de Adina, no termo municipal de Sanxenxo, provincia de Pontevedra.
Ao non poderse realizar a notificación persoal desta resolución aos herdeiros da persoa titular do documento nacional de identidade número 35373215C, mediante este anuncio e ao abeiro do disposto no artigo 44 da Lei 39/2015, do 1 de outubro, do procedemento administrativo común das administracións públicas, notifícaselle ás persoas interesadas a devandita resolución por medio dun anuncio publicado no Boletín Oficial del Estado (BOE).
Tendo en conta que, en atención ao previsto no artigo 46 da Lei 39/2015, do 1 de outubro, do procedemento administrativo común das administracións públicas, o acto non se publica na súa integridade, fáiselle saber ás persoas interesadas que o texto íntegro da resolución que se notifica se encontra ao seu dispor nas dependencias da Axencia de Protección da Legalidade Urbanística, sitas no edificio Witland, Salgueiriños, Santiago de Compostela, para a súa consulta no prazo de 10 días hábiles, que se contarán desde o día seguinte ao da publicación deste anuncio no BOE. Transcorrido o devandito prazo, a notificación entenderase producida.
As persoas interesadas disporán dun prazo de 15 días hábiles para alegar e presentar os documentos e informacións que consideren pertinentes e, se é o caso, propor proba en que se concreten os medios de que pretendan valerse.
Para que conste e lles sirva de notificación ás persoas interesadas, en cumprimento do disposto no artigo 44 da Lei 39/2015, do 1 de outubro, do procedemento administrativo común das administracións públicas, expido e asino este anuncio.
Santiago de Compostela, 31 de xaneiro de 2022
Jacobo Hortas García
Director da Axencia de Protección da Legalidade Urbanística
