En cumprimento do disposto no artigo 13.3 do Real decreto 416/2015, do 29 de maio, sobre depósito de estatutos das organizacións sindicais e empresariais, e para os efectos previstos nel, faise público que na correspondente oficina pública de depósito de estatutos de organizacións sindicais e empresariais desta dirección xeral se acordou depositar o acordo de modificación dos estatutos do Sindicato de Traballadoras e Traballadores do Ensino de Galiza (https://expinterweb.mites.gob.es/deose/publico/copiaEstatutos).
– Ámbito territorial: Comunidade Autónoma de Galicia.
– Ámbito profesional: poderán ser afiliadas ou afiliados aquelas traballadoras e traballadores do ensino, desde Educación Infantil á Universidade, que se encontren en activo, desempregadas, excedentes ou xubiladas.
– Asinantes: Maica Couto Míguez, Carmen Fernández Anllo, Consuelo Rodríguez Prieto, Carmen María Rodríguez Carro, José Manuel Cabezudo Moreno, José Ángel Sánchez Redondo, Lúa Iglesias Cordón e Sergio Alexandre Nunes García.
Santiago de Compostela, 17 de febreiro de 2022
Elena Mancha Montero de Espinosa
Directora xeral de Relacións Laborais