De conformidade co establecido no Decreto 206/2005, do 22 de xullo (DOG nº 145, do 29 de xullo), de provisión de prazas de persoal estatutario do Servizo Galego de Saúde, así como no artigo 3 da Orde do 24 de maio de 2006 (DOG nº 106, do 5 de xuño) pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde, en virtude das competencias atribuídas polo Decreto 137/2019, do 10 de outubro (DOG nº 208, do 31 de outubro), polo que se establece a estrutura orgánica do Servizo Galego de Saúde, polo Decreto 134/2019, do 10 de outubro (DOG nº 204, do 25 de outubro), polo que se regulan as áreas sanitarias e os distritos sanitarios do Sistema público de saúde de Galicia, e a Orde do 22 de abril de 2020 (DOG nº 82, do 29 de abril) sobre delegación de competencias en órganos centrais e periféricos da Consellería de Sanidade e do Servizo Galego de Saúde e na Axencia Galega para a Xestión do Coñecemento en Saúde,
RESOLVO:
Anunciar a convocatoria, para a provisión, polo sistema de concurso de méritos, dun posto de xefe/a de equipo de mantemento da Xerencia da Área Sanitaria de Ferrol.
As solicitudes e a documentación anexa que conteña a xustificación dos requisitos e méritos alegados deberanse presentar no Rexistro da Área Sanitaria de Ferrol, dirixidas ao xerente da Área Sanitaria, no prazo de quince (15) días hábiles contados desde o seguinte ao da data de publicación do anuncio desta convocatoria no Diario Oficial de Galicia.
Así mesmo, poderanse presentar a través de calquera dos rexistros previstos na Lei 39/2015, do 1 de outubro, do procedemento administrativo común das administracións públicas.
As bases da citada convocatoria estarán expostas no taboleiro de anuncios de Recursos Humanos do Hospital Arquitecto Marcide, sito na planta baixa do Hospital Arquitecto Marcide, e na páxina web do Servizo Galego de Saúde (www.sergas.es).
Ferrol, 9 de marzo de 2022
Ángel José Facio Villanueva
Xerente de Área Sanitaria de Ferrol
