En cumprimento do establecido no artigo 48 da Lei 21/2013, do 9 de decembro, de avaliación ambiental, faise público que, de acordo co establecido no artigo 60.1.c) da Lei 7/2012, do 28 de xuño, de montes de Galicia, a Xefatura Territorial da Consellería do Medio Rural da Coruña autorizou, mediante a Resolución do 8 de marzo de 2022, o cambio de actividade de forestal a agrícola da parcela 79 do polígono 22, do termo municipal de Brión. O proxecto foi sometido previamente a avaliación ambiental simplificada e o informe favorable de impacto ambiental foi emitido con data do 7 de marzo de 2022.
A resolución está dispoñible para a súa consulta na sede electrónica desta Consellería do Medio Rural, a que se pode acceder a través da ligazón seguinte: https://mediorural.xunta.gal/gl/recursos/anuncios
A Coruña, 11 de marzo de 2022
José Manuel Santos Maneiro
Xefe territorial da Coruña