Mediante a Resolución do 18 de novembro de 2021, da Dirección Xeral de Planificación Enerxética e Recursos Naturais, sometéronse a información pública a solicitude de autorización administrativa previa, a autorización administrativa de construción, o estudio de impacto ambiental, o proxecto de interese autonómico e a solicitude de declaración de utilidade pública, en concreto, das instalacións do parque eólico Pico Seco, situado nos concellos de Lalín (Pontevedra) e O Irixo (Ourense) e promovido por Aerogeneración Galicia, S.L. (expediente IN661A DXIEM-04/11). Esta resolución publicouse no DOG do martes 7 de decembro de 2021.
De acordo co establecido no artigo 43 da Lei 5/2017, do 19 de outubro, de fomento da implantación de iniciativas empresarias en Galicia, o Consello da Xunta de Galicia, na reunión do 2 de setembro de 2021, acordou declarar iniciativa empresarial prioritaria o referido parque eólico e, con base nos artigos 44 da mencionada Lei 5/2017, do 19 de outubro, e 33 da Lei 39/2015, do 1 de outubro, do procedemento administrativo común das administracións públicas, o 17 de setembro de 2021 a Dirección Xeral de Planificación Enerxética e Recursos Naturais resolveu declarar a tramitación de urxencia dos procedementos administrativos correspondentes ao parque eólico, o que supón a redución á metade dos prazos establecidos para o procedemento ordinario, salvo os relativos á presentación de solicitudes e recursos. Por este motivo, a citada información fíxose pública polo prazo de 15 días.
Vista a sentenza nº 18/2022, do Tribunal Superior de Xustiza de Galicia, e aínda que a mesma non adquiriu firmeza e está sendo obxecto de impugnación e discusión en vía de casación pola Xunta de Galicia, con base no principio de seguridade xurídica e por un criterio de precaución, sométense de novo a información pública por un prazo de 30 días a solicitude de autorización administrativa previa, a autorización administrativa de construción, o estudo de impacto ambiental, o proxecto de interese autonómico e a solicitude de declaración de utilidade pública, en concreto, das instalacións do parque eólico Pico Seco, situado nos concellos de Lalín (Pontevedra) e O Irixo (Ourense) e promovido por Aerogeneración Galicia, S.L. (expediente IN661A DXIEM-04/11).
En cumprimento do disposto na Lei 24/2013, do 26 de decembro, do sector eléctrico; na Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental, modificada pola Lei 5/2017, do 19 de outubro, de fomento da implantación de iniciativas empresariais en Galicia, e pola Lei 9/2021, do 25 de febreiro, de simplificación administrativa e de apoio á reactivación económica de Galicia; pola Lei 18/2021, do 27 de decembro, de medidas fiscais e administrativas; no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica; na Lei 21/2013, do 9 de decembro, de avaliación ambiental; e demais normas vixentes de aplicación, sométese a información pública a solicitude relacionada coa instalación que se describe a continuación:
Solicitante/promotora: Aerogeneración Galicia, S.L.
Domicilio social: polígono industrial Lalín 2000, parcela C-26, 36500 Lalín (Pontevedra).
Denominación do proxecto: parque eólico Pico Seco.
Municipios afectados: Lalín (Pontevedra) e O Irixo (Ourense).
Potencia que se instalará: 27 MW.
Produción neta anual estimada: 97.975 MWh/ano.
Orzamento de execución material (sen IVE): 24.674.925,96 €.
Localización (área de afección):
|
Vértice poligonal |
Parque eólico Pico Seco |
|
|
ETRS89 |
||
|
UTM29N-X |
UTM29N-Y |
|
|
A |
569.875,16 |
4.712.785,23 |
|
B |
573.375,16 |
4.712.785,24 |
|
C |
573.375,15 |
4.708.828,22 |
|
D |
569.875,15 |
4.708.828,21 |
Localización dos aeroxeradores:
|
Aeroxerador |
Parque eólico Pico Seco |
||
|
ETRS89 |
|||
|
UTM29N-X |
UTM29N-Y |
P unitaria (MW) |
|
|
VP1 |
572.711,39 |
4.711.548,69 |
3,8 |
|
VP2 |
572.296,26 |
4.711.768,99 |
3,8 |
|
VP3 |
571.681,40 |
4.711.462,55 |
3,8 |
|
VP4 |
571.329,85 |
4.711.526,44 |
3,8 |
|
VP5 |
570.649,15 |
4.711.505,18 |
3,8 |
|
VP6 |
570.092,04 |
4.711.124,25 |
4 |
|
VP7 |
570.080,15 |
4.710.052,18 |
4 |
Localización da subestación:
|
Subestación |
Parque eólico Pico Seco |
|
|
ETRS89 |
||
|
UTM29N-X |
UTM29N-Y |
|
|
SET |
569.886,00 |
4.710.137,00 |
Localización da torre meteorolóxica:
|
Torre meteorolóxica |
Parque eólico Pico Seco |
|
|
ETRS89 |
||
|
TM |
570.931,20 |
4.711.747,74 |
As características técnicas principais das instalacións de xeración, transformación e interconexión do parque eólico son as seguintes:
– 5 aeroxeradores modelo Vestas V-150 de 3.800 kW e 2 aeroxeradores modelo Vestas V-150 de 4.000 kW de potencia unitaria, con velocidade e paso variables, 105 m de altura de buxa e 150 m de diámetro de rotor.
– 7 centros de transformación, instalados unitariamente no interior da góndola de cada aeroxerador, formados por transformadores de 5.150 kVA de potencia nominal e relación de transformación 0,720/30 kV, celas de 30 kV e os correspondentes equipamentos de protección, telemando e demais elementos auxiliares.
– Rede soterrada de 1.604,14 m mediante dous circuítos eléctricos soterrados executados en gabia única e condutores RHZ1 18/30 3×/(1×400) Al con inicio no centro de seccionamento e medida do parque eólico Pico Seco e final na sala de celas de media tensión da subestación do parque eólico de Valdepereira. O parque eólico Valdepereira é obxecto doutro proxecto (expediente IN661A DXIEM-05/11).
– Unha torre meteorolóxica de 105 m de altura.
Órgano competente: o órgano competente para autorizar o proxecto da referida instalación eléctrica é a Dirección Xeral de Planificación Enerxética e Recursos Naturais.
Procedemento de avaliación ambiental: o proxecto da referida instalación eléctrica está suxeito a avaliación de impacto ambiental ordinaria, segundo o establecido no artigo 7.1.a) da Lei 21/2013, do 9 de decembro, de avaliación ambiental.
De acordo co disposto polo artigo 33 da Lei 8/2009, do 22 de decembro, e polas demais normas de aplicación, relacionadas ao inicio desta resolución, constitúen o obxecto da información pública os seguintes documentos: proxecto de execución, estudo de impacto ambiental (común aos expedientes de Valdepereira IN661A DXIEM-05/11 e Pico Seco IN661A DXIEM-04/11), proxecto de interese autonómico e relación de bens e dereitos afectados, a cal figura no anexo que se insire con esta resolución.
Esta documentación estará á disposición dos interesados nas dependencias da sección de Enerxía das xefaturas territoriais da Vicepresidencia Segunda e Consellería de Economía, Empresa e Innovación de Pontevedra (avenida Mª Victoria Moreno, 43, 5º, 36071 Pontevedra) e de Ourense (rúa Curros Enríquez, 1, 4º, 32071 Ourense), das 9.00 ás 14.00 horas, de luns a venres, con cita previa, respectivamente, no teléfono 986 80 52 39, e no correo electrónico enerxia-minas.ceei.ourense@xunta.gal ou no teléfono 988 38 67 35, así como nos concellos de Lalín (Pontevedra) e O Irixo (Ourense), e na Dirección Xeral de Planificación Enerxética e Recursos Naturais (Edificio Administrativo San Caetano, s/n, bloque 5, 4º andar, 15781 Santiago de Compostela), das 9.00 ás 14.00 horas, de luns a venres, con cita previa no correo electrónico subdireccion.enerxia@xunta.gal ou nos teléfonos 981 54 45 79/981 54 55 73. Ademais, tamén se poderá consultar no portal web da Vicepresidencia Segunda e Consellería de Economía, Empresa e Innovación:
https://ceei.xunta.gal/transparencia/informacion-publica/en-tramitacion/instalacions-de-xeracion
O que se fai público para coñecemento xeral e para que as persoas interesadas e os propietarios dos predios e demais titulares de bens e dereitos afectados que figuran na relación que se insire como anexo desta resolución, así como as persoas que, sendo titulares de dereitos reais ou intereses económicos sobre os bens afectados, fosen omitidas, poidan examinar os documentos indicados anteriormente e presentar as alegacións que consideren oportunas no prazo de 30 días, contados a partir da última publicación desta resolución.
Santiago de Compostela, 1 de marzo de 2022
Paula Uría Traba
Directora xeral de Planificación Enerxética e Recursos Naturais
