No BOP nº 28, do 10 de febreiro de 2022, figuran as bases do proceso de selección dunha praza de traballador/a social do Concello da Guarda, como persoal laboral fixo, mediante o sistema de concurso-oposición libre, aprobadas por Resolución da Alcaldía núm. 2022-0053, do 24 de xaneiro de 2022.
Presentada impugnación ás bases polo Colexio Oficial de Traballo Social de Galicia e estimada esta, para recoller como mérito a valoración da formación impartida por colexios profesionais, e non téndose iniciado o prazo de presentación de instancias, modifícase o número 1.a) da base oitava, que quedaría redactado como segue:
«1. Concurso:
a) Formación na praza obxecto da convocatoria, cun máximo de 8 puntos, nos seguintes termos:
Pola participación, como asistente ou docente, en cursos de formación e perfeccionamento relacionados coa praza a que se opta organizados ou homologados polas administracións públicas, escolas oficiais da administración pública e/ou universidades, INEM, colexios profesionais, formación continua do AFCA (Acordo de formación continua para as administracións públicas) ou formación ocupacional segundo o baremo seguinte: (non serán obxecto de valoración os cursos impartidos por academias privadas se non se xustifica a homologación):
– Cursos de 20 horas a 39 horas: 0,10 puntos.
– Cursos de 40 horas a 59 horas: 0,20 puntos.
– Cursos de 60 horas a 99 horas: 0,35 puntos.
– Cursos de 100 horas a 149 horas: 0,50 puntos.
– Cursos de máis de 150 horas: 1 puntos».
O prazo para presentar as solicitudes será de vinte ( 20) días hábiles contados a partir do día seguinte ao da publicación do último anuncio da convocatoria no Boletín Oficial da provincia, no Diario Oficial de Galicia ou no BOE.
O texto íntegro das bases modificadas publicarase na sede electrónica do Concello da Guarda www.aguarda.sedelectronica.gal
A Guarda, 3 de marzo de 2022
Antonio Lomba Baz
Alcalde