Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 59 Venres, 25 de marzo de 2022 Páx. 19722

IV. Oposicións e concursos

Consellería de Facenda e Administración Pública

ACORDO do 21 de marzo de 2022, da comisión designada para xulgar o proceso para a adquisición da condición de persoal funcionario de carreira do corpo auxiliar de Administración xeral e corpo de auxiliares de carácter técnico de Administración especial da Comunidade Autónoma de Galicia, subgrupo C2, do persoal laboral fixo de diversas categorías e postos pertencentes ao grupo IV do V Convenio colectivo do persoal laboral da Xunta de Galicia, mediante o seu cambio de vínculo xurídico, convocado polas resolucións do 7 de febreiro de 2020 (Diario Oficial de Galicia número 32, do 17 de febreiro), do 12 de maio de 2021 (Diario Oficial de Galicia número 94, do 21 de maio) e do 25 de agosto de 2021 (Diario Oficial de Galicia número 170, do 3 de setembro), polo que se fai pública a data, a hora e o lugar de realización da proba tipo test para aquelas persoas que xustificaron a súa ausencia nas probas do día 4 de outubro de 2020, 2 de outubro de 2021 e 28 de novembro de 2021.

En sesión que tivo lugar o 21 de marzo de 2022, a comisión nomeada pola Resolución do 17 de xullo de 2020 (DOG núm. 152, do 30 de xullo) para cualificar o proceso para a adquisición da condición de persoal funcionario de carreira do corpo auxiliar de Administración xeral e corpo de auxiliares de carácter técnico de Administración especial da Comunidade Autónoma de Galicia, subgrupo C2, do persoal laboral fixo de diversas categorías e postos pertencentes ao grupo IV, do V Convenio colectivo do persoal laboral da Xunta de Galicia, mediante o seu cambio de vínculo xurídico, convocado polas resolucións do 7 de febreiro de 2020 (DOG núm. 32, do 17 de febreiro), do 12 de maio de 2021 (DOG núm. 94, do 21 de maio) e do 25 de agosto de 2021 (DOG núm. 170, do 3 de setembro), acordou, de conformidade co disposto na base II.3.6 da convocatoria, e co disposto nas normas xerais para a realización da proba tipo test dos procesos de funcionarización, que a proba tipo test para as persoas que se citan no anexo deste acordo terá lugar o 8 de abril de 2022, en chamamento único que se iniciará ás 16.00 horas, na aula número 11 da Escola Galega de Administración Pública (EGAP), en Santiago de Compostela.

As previsións establecidas neste documento poderán ser modificadas á vista das recomendacións que realicen as autoridades sanitarias da Comunidade Autónoma en función da evolución da pandemia da COVID-19.

As persoas aspirantes que figuran no anexo deberán ir provistas de DNI ou doutro documento fidedigno que a xuízo da comisión acredite a súa identidade. Ademais, deberán vir provistas de bolígrafo de cor azul ou negra.

Segundo o establecido na base II.1 da convocatoria, as persoas aspirantes poderán servirse de textos legais sen comentarios. En relación con estes, admitiranse as súas versións consolidadas, aquelas nas cales figuren notas de vixencia e/ou referencias cruzadas a outras normas e os subliñados simples.

Non se poderá acudir á realización da proba con reproducións da batería de preguntas publicada na páxina web (https://www.xunta.gal/funcion-publica/funcionarizacion). Se as persoas aspirantes acudisen á proba con este material ou outro non autorizado polas bases ou pola comisión, seralles retirado antes ou durante a realización da proba. No suposto de que algunha persoa aspirante faga uso do material descrito durante a realización da proba, a comisión poderá decidir a súa inmediata expulsión.

Será obrigatorio o uso da máscara durante toda a realización da proba, agás cando se trate de persoas que presenten algún tipo de enfermidade ou dificultade respiratoria que se poida ver agravada polo uso da máscara, neste caso deberán achegar á Dirección Xeral da Función Pública a correspondente xustificación no prazo de 5 días, contados a partir do día seguinte ao da publicación deste acordo no Diario Oficial de Galicia, de non facelo, non se permitirá o acceso sen a máscara.

Non se permitirá o acceso á aula en que se realice a proba con teléfonos móbiles, axendas electrónicas, reloxos intelixentes ou calquera outro material ou instrumento de que se poida valer a persoa aspirante para auxiliarse na súa realización, nin se habilitará ningún servizo de recollida dos devanditos dispositivos.

Respecto ás normas xenéricas que se deben seguir para a realización da proba tipo test como consecuencia da situación creada pola pandemia da COVID-19, serán as mesmas que as publicadas para a proba do mes de outubro e que se atopan publicadas no portal web https://www.xunta.gal/funcion-publica/funcionarizacion

Santiago de Compostela, 21 de marzo de 2022

Rubén Plaza Martínez
Presidente da comisión

ANEXO

Persoas convocadas

Categorías V14-14A

Bombeiro forestal-bombeiro forestal condutor

Nome

NIF

Fernández Gómez, José Luis

***5613**

Categoría IV-33

Bombeiro forestal SDCIF

Nome

NIF

Rodríguez Suárez, Iván

***8700**

Categorías IV-01

Auxiliar gravación. Oficial/a 2ª linotipista, auxiliar administrativo (...)

Nome

NIF

García Méndez, Elsa

***1738**

Gesto Lage, María Pilar

***5523**

Lois Navaza, Xosé Lois

***4258**

Serantes Pérez, María Eugenia

***4852**

Categoría IV-35

Auxiliar de arquivos e bibliotecas

Nome

NIF

López Lagos, Mercedes

***9960**

López Méndez, José

***5121**

Categoría IV-03

Auxiliar sanitario, auxiliar de clínica

Nome

NIF

Balbís Seara, María Dolores

***4510**

Fraga Haz, Victoria

***1751**

Loira Costas, Pilar

***3206**

Soutullo García, Amelia

***8535**

Categoría IV-11

Auxiliar de laboratorio

Nome

NIF

Estévez Campos, Rosa Erea

***6072**