De conformidade cos artigos 8 e 9 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, dáse publicidade á encomenda de xestión de carácter técnico, da Consellería de Infraestruturas e Mobilidade á Axencia Galega de Infraestruturas, para a elaboración dos informes técnicos correspondentes na fase de adxudicación e a dirección de execución do contrato de obra para a construción da terminal de autobuses e dos elementos comúns coa remodelación da estación ferroviaria integrados na área intermodal da Coruña-San Cristóbal e dos contratos de servizo complementarios á obra correspondentes, que ten as seguintes características:
1.1. Obxecto: esta encomenda terá por obxecto a realización das seguintes actuacións:
• Respecto do contrato de obra:
A elaboración dos informes de carácter técnico que, en relación co procedemento de adxudicación deste contrato, sexan solicitados polo órgano encomendante.
A dirección de obra e as funcións de responsable do contrato nos termos do artigo 62 da LCSP do referido contrato.
• Respecto dos contratos de servizo complementarios do contrato de obra, en concreto, o contrato do servizo de control e vixilancia das obras e o contrato do servizo de coordinación de seguridade e saúde, as funcións de responsable do contrato nos termos do artigo 62 da LCSP do referido contrato.
1.2. Natureza e alcance da xestión encomendada: esta encomenda ten natureza intersubxectiva ao seren a Consellería de Infraestruturas e Mobilidade e a AXI órganos pertencentes á mesma consellería con personalidade xurídica propia.
1.3. Prazo de vixencia: a presente encomenda está vinculada ao contrato de obra para a construción da terminal de autobuses e dos elementos comúns coa remodelación da estación ferroviaria integrados na área intermodal da Coruña-San Cristóbal, e aos seus contratos de servizo complementarios, polo que a súa duración finalizará cando remate a execución destes.
1.4. Supostos de finalización anticipada: por incumprimento total ou parcial dalgunha das partes ou por mutuo acordo.
1.5. Taxas: a encomenda non liquidará ningunha taxa a favor da AXI en concepto de custo polos servizos que se presten no seu desenvolvemento.
Santiago de Compostela, 25 de marzo de 2022
A conselleira de Infraestruturas e Mobilidade
P.D. (Orde do 7.9.2017; DOG núm. 179, do 20 de setembro)
Joaquín Macho Canales
Secretario xeral técnico da Consellería de Infraestruturas e Mobilidade