A Alcaldía do Concello do Barco de Valdeorras, mediante o Decreto número 391, do 25 de marzo de 2022, acordou aprobar a oferta de emprego público desta administración para o ano 2022, incluíndo as seguintes prazas vacantes nos termos que se reproduce:
A. Funcionarios de carreira.
A.1. Funcionarios da Administración xeral.
– 1 praza de funcionario de carreira, escala da Administración xeral, subescala auxiliar, integrada no grupo C, subgrupo C2.
O prazo máximo para a convocatoria dos procesos selectivos será o 31 de maio de 2023, o prazo de remate do proceso selectivo prevese o 31 de xaneiro de 2024 e a selección realizarase mediante oposición en quenda libre.
A.2. Funcionarios do corpo de policía local.
– 1 praza de funcionario de carreira, escala básica, categoría policía, denominación policía local, integradas no grupo C, subgrupo C1.
A selección será realizada pola Academia Galega de Seguridade Pública segundo o convenio asinado entre a Vicepresidencia Primeira e Consellería de Presidencia, Xustiza e Turismo e o Concello do Barco de Valdeorras o 9 de marzo de 2018, e prorrogado o 21 de febreiro de 2022.
B. Persoal laboral.
– 1 praza de persoal laboral fixo, axudante de cociña e limpeza da escola infantil municipal. A selección realizarase en quenda libre e mediante concurso-oposición.
Establécese o concurso oposición ao considerar que resulta unha vantaxe para esta administración, debido á natureza das funcións que se van desenvolver da praza, que o aspirante que resulte seleccionado teña experiencia e ou coñecementos previos no desenvolvemento das funcións encomendadas, que son de carácter predominantemente manuais.
Contra este acordo, que pon fin á vía administrativa, poderanse interpoñer os seguintes recursos:
1. De forma potestativa o recurso de reposición, ante o alcalde do Concello do Barco de Valdeorras, no prazo dun mes contado a partir do día seguinte ao da publicación do anuncio, segundo establecen os artigos 112 a 120, 123 e 124 da Lei 39/2015, do 1 de outubro, do procedemento administrativo común das administracións públicas.
2. Recurso contencioso-administrativo, nos xulgados do contencioso-administrativo de Ourense (artigos 8 e 46 da Lei 29/1998, do 13 de xullo, reguladora da xurisdición contencioso-administrativa), no prazo de dous meses contados a partir do día seguinte ao da publicación do anuncio. En caso de interpoñerse recurso de reposición, o prazo de interposición do recurso contencioso-administrativo será igualmente de dous meses contados desde a notificación da resolución desestimatoria do recurso de reposición, se for expresa, ou desde a súa desestimación tácita, que se producirá se no prazo de seis meses non se resolve o recurso de reposición interposto. Todo iso sen prexuízo de que interpoña calquera outro que xulgue procedente.
O Barco de Valdeorras, 25 de marzo de 2022
Alfredo L. García Rodríguez
Alcalde