Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 82 Venres, 29 de abril de 2022 Páx. 26001

VI. Anuncios

a) Administración autonómica

Vicepresidencia segunda e Consellería de Economía, Empresa e Innovación

ACORDO do 4 de abril de 2022, da Xefatura Territorial de Ourense, polo que se somete a información pública a autorización administrativa previa, a autorización administrativa de construción e a declaración de utilidade pública, en concreto, coa necesidade de urxente ocupación, dunha instalación eléctrica no concello da Veiga (expediente IN407A 2022/26-3).

En cumprimento do disposto na Lei 24/2013, do 26 de decembro, do sector eléctrico; no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica e na Lei 9/2021, do 25 de febreiro, de simplificación administrativa e de apoio á reactivación económica de Galicia, sométese a información pública a solicitude relacionada coas instalacións que se describen a seguir:

Solicitante: UFD Distribución Electricidad, S.A.

Domicilio social: avenida San Luis, 77, 28033 Madrid.

Denominación: regulamentación LMTA SAG703-entre os apoios núm. 207 e 217.

Situación: lugar de Prada, concello da Veiga.

Características principais recollidas no proxecto:

– Reforma da LMTA SAG703, a 20 kV, co desmonte dos apoios núms. 208, 209, 210, 211, 212, 213, 214, 215 e 217, por deterioro ou novas condicións de liña, así como a instalación dos novos apoios de celosía metálica núm. 208, 210, 212, 215 e 217. Dotación de novos XS nos novos apoios núm. 215 e 217, así como novo condutor LA-56 en treito de 446 m de lonxitude na liña principal e 38 m na derivada a CT 32PN12.

O obxecto da información pública será a autorización administrativa previa, a autorización administrativa de construción e a declaración de utilidade pública, en concreto, da citada instalación eléctrica. A declaración de utilidade pública levará implícita, de acordo co artigo 56 da Lei 24/2013, do 26 de decembro, do sector eléctrico, a necesidade da urxente ocupación para os efectos da expropiación forzosa dos bens e dereitos afectados necesarios para o establecemento destas instalacións.

Documentación que se expón:

1. O proxecto de execución, asinado polo enxeñeiro industrial David Núñez Fernández, colexiado nº 1534 do ICOIIG, o 26.7.2021.

2. A relación concreta e individualizada dos propietarios de bens e de dereitos afectados, que figura no anexo a este acordo.

3. Planos parcelarios do proxecto.

O que se fai público, para o coñecemento xeral, así como, en particular, dos propietarios dos predios que figuran na relación anexa a este acordo, e das persoas que, sendo titulares de dereitos reais ou intereses económicos sobre os bens afectados, fosen omitidas, para que poidan examinar a documentación técnica anteriormente relacionada e, se for o caso, presentar as alegacións ou observacións que coiden oportunas dentro do prazo de trinta (30) días, que se contará a partir do día seguinte ao da publicación deste acordo no Diario Oficial de Galicia.

Toda a documentación poderase examinar nesta Xefatura Territorial da Vicepresidencia Segunda e Consellería de Economía, Empresa e Innovación en Ourense, rúa Curros Enríquez, núm. 1, 32003 Ourense, e na seguinte ligazón web da Consellería:

http://ceei.xunta.gal/transparencia/documentos-sometidos-a-informacion-publica

Ourense, 4 de abril de 2022

Pablo Fernández Vila
Xefe territorial de Ourense

ANEXO

Relación de bens e de dereitos afectados

Núm. de expediente: IN407A 2022/26-3.

Termo municipal: A Veiga.

Denominación da instalación: regulamentación LMTA SAG703-entre os apoios núm. 207 e 217.

Predio núm. en proxecto: 1.

Lugar: Escarabelleira.

Cultivo: labor.

Titular: herdeiros de Nieves García Rodríguez; Rpte.: José Fernández García.

Afección: ocupación de 2 m2 para o apoio núm. 208.

Predio núm. en proxecto: 5.

Lugar: Pozas.

Cultivo: labor.

Titular: herdeiros de Palmeiro Santos Barrio.

Afección de servidume de voo: 6 m lineais con 94 m2 de superficie afectada.

Predio núm. en proxecto: 9.

Lugar: Pozas.

Cultivo: labor.

Titular: Generosa Prada Pedraz.

Afección: ocupación de 1 m2 para o apoio núm. 212.

Predio núm. en proxecto: 10.

Lugar: Pozo da Cruz.

Cultivo: labor.

Titular: herdeiros de Tiberio Barrio do Viso.

Afección: ocupación de 10 m2 para o apoio núm. 215.