De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, intentada a notificación dos actos administrativos de requirimento ditados nos procedementos que figuran no anexo, tramitados por esta xefatura territorial, no último domicilio coñecido das persoas interesadas sen que se puidese efectuar por causas non imputables á Administración, emprázanse as persoas citadas no dito anexo ou as persoas que as representen debidamente acreditadas para proceder á notificación dos referidos actos. No prazo de dez días (10), contados desde o día seguinte ao da data de publicación deste anuncio no Boletín Oficial del Estado, poderán comparecer nas dependencias do órgano de valoración de Pontevedra, sito na avenida de Vigo, número 16, baixo, de Pontevedra, en horario de mañá entre as 9.00 e as 14.00 horas, de luns a venres, para os efectos de coñecer o texto íntegro do dito acto administrativo e advertíndolles que, de non facelo así, teráselle por practicada a notificación ao vencemento do prazo indicado para comparecer.

Este anuncio publicarase no Diario Oficial de Galicia, ben que a notificación quedará supeditada á súa publicación no Boletín Oficial del Estado.

Advírtese que, practicada a notificación por comparecencia ou tras o vencemento do prazo indicado para comparecer, de non atender o requirimento, e de conformidade co establecido no artigo 27.3 do Decreto 15/2010, do 4 de febreiro, polo que se regula o procedemento para o recoñecemento da situación de dependencia e do dereito a prestacións do sistema para a autonomía e atención á dependencia, o procedemento para a elaboración do Programa individual de atención e a organización e funcionamento dos órganos técnicos competentes, e no artigo 95 da Lei 39/2015, do 1 de outubro, unha vez transcorridos tres meses sen realizar as actividades necesarias para continuar coa tramitación, producirase a caducidade do procedemento pola paralización imputable á persoa interesada e acordarase o arquivamento das actuacións, logo da resolución que lle será notificada.

Vigo, 17 de marzo de 2022

María José Pérez-Izaguirre López
Xefa territorial de Vigo

ANEXO

Procedemento BS210A Nº de expediente	DNI	Acto obxecto de notificación	Data do acto administrativo
PO-88686	76745200L	Requirimento para continuar a tramitación	25.1.2022
PO-88373	34558002L	Requirimento para continuar a tramitación	25.1.2022