Para os efectos previstos no artigo 28 do Regulamento para a execución da Lei 13/1989, do 10 de outubro, de montes veciñais en man común, Decreto 260/1992, do 4 de setembro, e de conformidade co disposto no artigo 45.1 da Lei 39/2015, do 1 de outubro, do procedemento administrativo común das administracións públicas, faise público que o Xurado Provincial de Clasificación de Montes Veciñais en Man Común de Lugo, na sesión que tivo lugar o 31.3.2022 baixo a presidencia de María Olga Iglesias Fontal, e coa asistencia dos vogais Miguel Ángel Cela González, Josefina Pereira de la Riera e Antonio José López-Acuña Herrero, e da secretaria Lucía Belver Quiroga, ditou a resolución de clasificar como veciñal en man común o seguinte monte:
– Nome: As Carballás (ampliación).
– Pertenza: Veciños da parroquia de Ortoá.
– Parroquia: Ortoá.
– Concello: Sarria.
– Superficie: 0,967 hectáreas.
Na seguinte táboa indícanse as referencias catastrais das parcelas obxecto de clasificación así como das estremeiras. O plano que figura no anexo I, ao final deste anuncio, facilita a súa localización.
Parcelas obxecto de clasificación |
Parcelas estremeira |
|
27057A02201187 27057A02201188 |
Norte |
27057D50200112 |
Leste |
27057D50200116 27057A02209043 27057A02200391 27057A02200388 |
|
Sur |
27057A02200328 27057A02200390 |
|
Oeste |
27057A02200389 27057A02200387 27057A02200317 27057A02209043 |
Tendo en conta esta ampliación, o MVMC da comunidade de Ortoá conta cunha superficie de 96,31 hectáreas.
Contra esta resolución, desde o día seguinte ao da súa publicación no Diario Oficial de Galicia, poderá interpoñerse recurso potestativo de reposición ante o Xurado Provincial de Clasificación de Montes Veciñais en Man Común de Lugo no prazo dun mes, ou ben directamente recurso contencioso-administrativo ante o Xulgado do Contencioso-Administrativo de Lugo no prazo de dous meses, de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e co artigo 46 da Lei 29/1998, do 13 de xullo, da xurisdición contencioso-administrativa.
Lugo, 19 de abril de 2022
María Olga Iglesias Fontal
Presidenta do Xurado Provincial de Clasificación
de Montes Veciñais en Man Común de Lugo
ANEXO I