Visto o expediente para o outorgamento da autorización administrativa previa e de construción da instalación eléctrica que a seguir se describe:

Peticionaria: Begasa.

Domicilio rocial: rúa Aller Ulloa, Ramón María, 9, 27003 Lugo.

Denominación: novo CS EDAR Viveiro.

Situación: concello de Viveiro.

Características técnicas principais:

• LMT soterrada Viveiro 3, consistente na prolongación de 20 metros de condutor en cada un dos circuítos que alimentan o CS 8192 EDAR Viveiro (para desmantelar) para alimentar o novo CS EDAR Viveiro, en condutor RHZ1-240 mm e RHZ1-150 mm.

• Centro de seccionamento EDAR Viveiro en edificio prefabricado, no cal se instalan dúas celas de liña e unha de interruptor automático e unha con trafo para servizos auxiliares.

• Desmontaxe do actual CS 8192 Edar Viveiro.

Finalidade da instalación: mellora da subministración.

Orzamento: 37.935,43 euros.

Documentación complementaria:

• Separata para o Concello de Viveiro.

• Separata para a Consellería de Infraestruturas e Mobilidade.

Esta xefatura territorial, de acordo coas competencias que resultan do Decreto 230/2020, do 23 de decembro, polo que se establece a estrutura orgánica da consellería, e tendo en conta o Decreto 9/2017, do 12 de xaneiro, sobre órganos competentes para autorización de instalacións eléctricas na Comunidade Autónoma de Galicia, resolve:

En relación coa instalación de alta tensión, conceder a autorización administrativa previa e de construción ás ditas instalacións, sen prexuízo de terceiros e con independencia das autorizacións que sexan necesarias para a execución da obra por parte doutros órganos da Administración, condicionado ao cumprimento das seguintes condicións:

Primeira. As instalacións deberán axustarse na súa execución ao disposto no citado proxecto de execución, e a dirección de obra deberá realizarse por técnico competente.

Segunda. A peticionaria asegurará o mantemento e vixilancia correcta das instalacións durante a construción e despois da súa posta en servizo, co fin de garantir que en todo momento se manterán as condicións regulamentarias de seguridade.

Terceira. En todo momento deberanse cumprir as normativas e directrices vixentes que sexan de aplicación, en particular, canto establece a Lei 24/2013, do 26 de decembro, do sector eléctrico; o Real decreto 223/2008, do 15 de febreiro, polo que se aproban o regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias, e o Real decreto 337/2014, do 9 de maio, polo que se aproban o regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias.

O prazo de posta en marcha das instalacións que se autorizan será de doce meses, contados a partir da data da última autorización administrativa necesaria para a súa execución.

Contra esta resolución poderase interpor recurso de alzada ante o vicepresidente segundo e conselleiro de Economía, Empresa e Innovación no prazo dun mes, a partir do día seguinte o da notificación ou publicación desta resolución; tamén se poderá interpor calquera outro recurso que considere pertinente ao seu dereito.

Lugo, 12 de abril de 2022

Gustavo José Casasola de Cabo
Xefe territorial de Lugo