No Xulgado do Contencioso-Administrativo número 1 de Vigo tramítase o procedemento abreviado número 79/2022, interposto por Roberto Gómez Álvarez, Enrique Poza Domínguez, Arantxa Martínez Casal e Rosana Rodríguez Díaz, contra a oferta de emprego público do persoal de administración e servizos da Universidade de Vigo para o ano 2021, por inclusión das prazas de TS e TE en Actividades do medio mariño, TE en Cultivos mariños e TE en Calidade ambiental e histoloxía.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado no prazo de nove días, que conta a partir do seguinte ao da publicación desta resolución no DOG, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Vigo, 20 de abril de 2022

Manuel Joaquín Reigosa Roger
Reitor da Universidade de Vigo