O artigo 15 da Lei 1/2016, do 18 de xaneiro, de transparencia e bo goberno, impón a cada consellería ou entidade da Xunta de Galicia a obriga de remitir para a súa publicación no Diario Oficial de Galicia unha relación dos convenios subscritos referida ao cuadrimestre anterior.
En consecuencia, e para dar cumprimento a esta obriga,
DISPOÑO:
Artigo único.
Darlle publicidade á relación dos convenios subscritos polo Instituto de Estudos do Territorio no primeiro cuadrimestre do ano 2022, que se incorpora como anexo a esta resolución.
Santiago de Compostela, 7 de maio de 2022
Enrique Luis de Salvador Sánchez
Director do Instituto de Estudos do Territorio
ANEXO
|
Convenio |
Obxecto do convenio |
Achega económica do IET |
Data de sinatura |
|
Convenio de colaboración entre o organismo autónomo Instituto de Estudos do Territorio (IET) da Consellería de Medio Ambiente, Territorio e Vivenda e o Concello de Arteixo para a colaboración na realización dos traballos relacionados coa implantación dun sistema dixital para o inventario, xeorreferenciación e xestión das redes de servizos básicos municipais no seu ámbito territorial. |
Establecer as pautas de colaboración entre o Concello de Arteixo, no marco dos traballos da súa competencia, que demandan os coñecementos e experiencia contrastados do IET, nos acordos e tarefas que servirán de apoio ás actuacións para desenvolver e dispoñer dunha ferramenta unificada SIX, que aglutine toda a información xeográfica relacionada cos servizos públicos no termo municipal e que sirva, ao mesmo tempo, como un instrumento de traballo útil para o persoal do Concello de Arteixo involucrado na súa xestión, e como un punto de consulta de información para o conxunto da cidadanía que simplifique os seus trámites co organismo xestor destes servizos de titularidade municipal. |
Sen achega económica |
31.3.2022 |
|
Convenio de colaboración educativa entre o Instituto de Estudos do Territorio e a Universidade da Coruña para a realización de prácticas académicas externas curriculares dos estudantes da Facultade de Socioloxía da UDC. |
Regular un programa de prácticas académicas externas curriculares entre a UDC, a través do grupo de investigación Grupo de Estudos Territoriais da súa Facultade de Socioloxía e o IET, posibilitando aos estudantes da titulación do grao en Socioloxía da Universidade da Coruña a realización do practicum correspondente ao plan de estudos deste grao, dentro dos programas de cooperación educativa promovidos polo IET, e promovendo o futuro desenvolvemento profesional e o acceso ao mercado laboral dos/das futuros/as titulados/as universitarios/as. As prácticas desenvolveranse nas instalacións do IET. |
Sen achega económica |
19.4.2022 |
