Mediante a Resolución da Alcaldía nº 234/2022, do 9.5.2022, aprobouse inicialmente o estudo de detalle para a ordenación de volumes edificables e definición de aliñacións na parcela sita na Travesía da Praia nº 12, esquina Camiño Real da Magdalena, promovido por Cedeira Apartamentos, S.L. e redactado polo arquitecto Diego Pérez Bargiela, asinado dixitalmente o 20.4.2022.

En cumprimento do artigo 80.2 da Lei 2/2016, de 10 de febreiro, do solo de Galicia, e dos artigos 194.2 e 207 do Decreto 143/2016, do 22 de setembro, polo que se aproba o regulamento da Lei 2/2016, o expediente sométese a información pública por un prazo dun (1) mes, contado desde o día seguinte ao da última das publicacións deste anuncio no taboleiro municipal, no Diario Oficial de Galicia e nun dos xornais de maior difusión na provincia, para que calquera interesado poida consultar o expediente e, de ser o caso, presentar as alegacións, suxestións ou documentos que considere pertinentes.

A documentación do estudo de detalle poderá consultarse no Departamento de Urbanismo do Concello de Cedeira (r/ Real nº 15), mediante cita previa das 9.00 ás 14.00 horas, ou na sede electrónica do Concello, no enderezo https://sede.cedeira.gal

Cedeira, 9 de maio de 2022

Pablo Diego Moreda Gil
Alcalde