Mediante a Resolución do presidente da Mancomunidade, do 23 de maio de 2022, aprobouse a oferta de emprego público para a estabilización de emprego temporal, que cumpre as previsións do artigo 2 da Lei 20/2021, do 28 de decembro, de medidas urxentes para a redución da temporalidade no emprego público, correspondentes ás prazas que a seguir se indican:
|
Posto |
Número de postos |
Proceso selectivo |
|
Directora |
1 |
Concurso |
|
Auxiliares de clínica |
6 |
Concurso |
|
Operario mantemento |
1 |
Concurso |
|
Limpadoras |
4 |
Concurso |
|
Auxiliares de cociña |
3 |
Concurso |
|
Educadora social |
1 |
Concurso-oposición |
|
Fisioterapeuta |
1 (tempo parcial) |
Concurso |
|
Due |
1 |
Concurso |
|
Xerocultoras coidadoras |
5 |
Concurso |
En cumprimento do artigo 91 da Lei 7/1985, do 2 de abril, reguladora das bases de réxime local, e do artigo 70.2 do texto refundido da Lei do Estatuto básico do empregado público, aprobado polo Real decreto lexislativo 5/2015, do 30 de outubro, publícase a oferta de emprego público para a estabilización do emprego temporal da Mancomunidade das Terras do Navea-Bibei, no Diario Oficial de Galicia.
Contra esta resolución, que pon fin á vía administrativa, pode interpor alternativamente o recurso de reposición potestativo ante o alcalde, no prazo dun mes, contado desde o día seguinte ao da publicación deste anuncio, de conformidade co artigo 123 e 124 da Lei 39/2015, do 1 de outubro, do procedemento administrativo común das administracións públicas, ou recurso contencioso-administrativo, ante o Xulgado do Contencioso-Administrativo de Ourense ou, á súa elección, o que corresponda ao seu domicilio, no prazo de dous meses, contado desde o día seguinte ao da recepción da presente notificación, de conformidade co artigo 46 da Lei 29/1998, do 13 de xullo, da xurisdición contencioso-administrativa.
Se se opta por interpor o recurso de reposición potestativo, non poderá interpor recurso contencioso-administrativo ata que aquel sexa resolto expresamente ou se producise a súa desestimación por silencio.
Todo isto sen prexuízo de que se poida interpor calquera outro recurso que puidese xulgar máis conveniente ao seu dereito.
A Pobra de Trives, 24 de maio de 2022
Miguel Sierra Fernández
Presidente da Mancomunidade das Terras do Navea-Bibei
