No Xulgado do Contencioso-Administrativo número 1 de Santiago de Compostela tramítase o recurso 160/2022 (procedemento abreviado), interposto por Luz María Raviña Díaz fronte á desestimación presunta do recurso de reposición presentado contra a Resolución do 12 de novembro de 2021, ditada pola Dirección Xeral de Recursos Humanos do Servizo Galego de Saúde, pola que se resolve, con carácter definitivo, o ciclo de adxudicación correspondente ao ano 2021 do concurso de traslados aberto e permanente para a provisión de prazas básicas de persoal estatutario sanitario e de xestión de servizos (DOG núm. 225, do 23 de novembro) (categoría: grupo de xestión da función administrativa).

A recorrente non está de acordo coa listaxe definitiva de adxudicación de destinos, na cal consta non ter adxudicado posto.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 16 de maio de 2022

Ana María Comesaña Álvarez
Directora xeral de Recursos Humanos