No Xulgado do Contencioso-Administrativo número 2 de Vigo tramítase o recurso 124/2022 (procedemento abreviado), interposto por Verónica Gallego Muñiz fronte á desestimación presunta do recurso de alzada interposto o 27 de decembro de 2021, contra a resolución da Xerencia da Área Sanitaria de Vigo pola que se publica a relación definitiva das persoas admitidas e excluídas do concurso de modalidade interna voluntaria do persoal estatutario fixo do ámbito de atención hospitalaria, correspondente a diversas categorías de persoal sanitario diplomado e de formación profesional e de persoal de xestión e servizos, convocado pola Resolución da Xerencia do 8 de xuño de 2021 (DOG núm. 116, do 21 de xuño) (categoría: enfermeiro/a).

A recorrente solicita a súa admisión no concurso de mobilidade interna e que se proceda á baremación dos seus méritos.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 25 de maio de 2022

Ana Mª Comesaña Álvarez
Directora xeral de Recursos Humanos