Pola Resolución do 22 de abril de 2022, da Dirección Xeral da Función Pública (DOG núm. 82, do 29 de abril), aprobáronse as listas provisionais de persoas admitidas e excluídas ao proceso selectivo de acceso libre para o ingreso no corpo facultativo de grao medio de Administración especial da Administración xeral da Comunidade Autónoma de Galicia, subgrupo A2, escala de enxeñeiros técnicos, especialidade de enxeñaría técnica forestal, convocado pola Resolución do 16 de decembro de 2021 (DOG núm. 241, do 17 de decembro).

Unha vez transcorrido o prazo para a presentación de reclamacións sobre as ditas listas, de conformidade co artigo 12 do Regulamento de selección de persoal da Administración da Comunidade Autónoma de Galicia, e coa base I.4.2 das que rexen o proceso selectivo, esta dirección xeral

RESOLVE:

Aprobar as listas definitivas de persoas admitidas e excluídas ao proceso selectivo de acceso libre para o ingreso no corpo facultativo de grao medio de Administración especial da Administración xeral da Comunidade Autónoma de Galicia, subgrupo A2, escala de enxeñeiros técnicos, especialidade de enxeñaría técnica forestal.

A lista definitiva de persoas aspirantes admitidas poderase consultar no portal web corporativo funcionpublica.xunta.gal

A lista definitiva de persoas aspirantes excluídas, con indicación da causa determinante da súa exclusión, figura como anexo a esta resolución.

A Administración devolverá o importe ingresado en concepto de dereitos de exame a aquelas persoas aspirantes excluídas de maneira definitiva, ou ben que non figuren en ningunha das listas, que así o soliciten no prazo de dous (2) meses a partir do día seguinte ao da publicación no DOG das listas definitivas de admitidos e excluídos.

Para iso será necesario presentar un escrito solicitando a devolución e no cal se fagan constar o número de conta (24 díxitos), a entidade financeira e a súa localidade ou ben un certificado expedido pola entidade financeira no que figuren eses datos. Esta documentación deberá ser dirixida ao Servizo de Selección da Dirección Xeral da Función Pública. A presentación deste escrito sen os datos indicados ou fóra de prazo supoñerá a perda do dereito á devolución do importe ingresado.

De conformidade co disposto na base I.3, non procederá a devolución do importe aboado en concepto de dereitos de exame no suposto de que as persoas solicitantes admitidas provisional ou definitivamente renuncien a participar no proceso.

Contra esta resolución poderase interpoñer recurso potestativo de reposición ante o conselleiro de Facenda e Administración Pública, no prazo dun mes contado desde o día seguinte ao da súa publicación no Diario Oficial de Galicia, de conformidade co establecido na Lei 39/2015, do 1 de outubro, ou poderase interpoñer directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses contados desde a mesma data, de conformidade co disposto no artigo 8.2 da Lei 29/1998, do 13 de xullo, en relación co artigo 10.1 do mesmo texto legal.

Santiago de Compostela, 6 de xuño de 2022

José María Barreiro Díaz
Director xeral da Función Pública

ANEXO

Relación de persoas aspirantes excluídas

Cota específica base I.1.2.

Apelidos e nome	DNI	Motivo da exclusión
Lozano Fernández-Villacañas, David	***3046**	85

Acceso xeral.

Apelidos e nome	DNI	Motivo da exclusión
Cristóbal Limes, Iago	***2684**	86, 87
Cuadrado Prado, Víctor	***6090**	86
González López, Ana Belén	***0172**	86
Hernández Hernández, Rafael	***2089**	43
Seijo de Bernardo, Eduardo	***2886**	86

Cód.	Causa da exclusión
43	Desistencia da solicitude
85	Non cumpre a condición de discapacidade
86	Non cumpre a condición de demandante de emprego 6 meses anteriores á convocatoria
87	Non cumpre a condición de non percibir prestación ou subsidio por desemprego