Mediante o Acordo do 6 de xuño de 2022, da Xefatura Territorial de Ourense, foi sometida a información pública a solicitude das autorizacións administrativas previa e de construción e a declaración de utilidade pública, en concreto, dunha instalación eléctrica no concello de Xunqueira de Espadanedo (expediente IN407A 2022/81-3), a cal foi publicada no DOG do 28 de xuño, realizando ao mesmo tempo a notificación aos particulares afectados.
De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, mediante este anuncio emprázanse aos titulares do predio que no anexo se relacionan para seren notificados por comparecencia, por non ter sido posible efectuar a notificación prevista na citada norma.
Os interesados, ou os seus representantes, deberán comparecer no prazo de dez (10)días, contados a partir do día seguinte ao da publicación deste anuncio no taboleiro de edictos único (TEU) do Boletín Oficial del Estado, nas dependencias da Xefatura Territorial da Vicepresidencia Primeira e Consellería de Economía, Industria e Innovación de Ourense, na rúa Curros Enríquez, nº 1, 3º (Servizo de Enerxía e Minas), das 9.00 ás 14.00 horas, de luns a venres. A eficacia deste anuncio queda supeditada á súa publicación no TEU.
Transcorrido o dito prazo sen efectuar a comparecencia, a notificación entenderase producida desde o día seguinte ao do vencemento do prazo sinalado para comparecer.
Ourense, 29 de xuño de 2022
O xefe territorial de Ourense
P.S.L. (Decreto 230/2020, artigo 36.3)
José Rodríguez Paz
Xefe do Servizo de Enerxía e Minas
ANEXO
Relación de afectados descoñecidos, de domicilio ignorado ou non notificados
Núm. de expediente: IN407A 2022/81-3.
Solicitante: UFD Distribución Electricidad, S.A.
Denominación da instalación: regulamentación da LMTA REG804 en tramo entre os apoios núm. 99 e núm. 105.
Termo municipal: Xunqueira de Espadanedo.
Predio núm. en proxecto: 1.
Lugar: Pena da Malla.
Cultivo: monte baixo.
Titular: CMVMC Barrio, Xunqueira Espadanedo e Obellariza.
Afeccións: apoios números 100, 101 e 102, cunha superficie de ocupación de 6 m2.