A Xunta de Goberno Local, en sesión do 23 de xuño de 2022, adoptou o seguinte acordo que se publica no Boletín Oficial da provincia de Pontevedra e no Diario Oficial de Galicia e na sede electrónica do concello dentro da epígrafe Oferta pública de emprego.

Primeiro. Aprobar a oferta de emprego público do Concello de Vilanova de Arousa correspondente ao ano 2022 nos termos reflectidos no anexo do presente acordo.

Segundo. A publicación das convocatoria dos procesos selectivos incluídos nesta oferta de emprego público deberá realizarse no prazo improrrogable de tres anos, contados desde a data da publicación da presente oferta de emprego público, nos termos previstos no artigo 20.Dous.b) da Lei 22/2021, do 28 de decembro, de orzamentos xerais do Estado para o ano 2022, e nos artigo 70.1 do Real decreto lexislativo 5/2015, do 30 de outubro, polo que se aproba o texto refundido da Lei do estatuto básico do empregado público, e 48.4 da Lei 2/2015, do 29 de abril, do emprego público de Galicia.

Terceiro. Quedan excluídas das ofertas públicas de emprego do concello correspondentes aos anos 2018 e 2019, aprobadas pola Xunta de Goberno Local o 18 de outubro de 2019 e o 5 de decembro de 2019, as prazas incluídas nelas que non foron obxecto de convocatoria pública e que se inclúen nesta oferta.

Vilanova de Arousa, 23 de xuño de 2022

Gonzalo Durán Hermida
Alcalde

ANEXO

Persoal funcionario

Denominación do posto de traballo: arquitecto/a.

Número de postos: 1.

Subgrupo: A1.

Escala/subescala: Administración especial. Subescala técnica. Técnico/a superior.

Tipo de provisión: concurso-oposición.

Denominación do posto de traballo: técnico/a de Administración xeral.

Número de postos: 1.

Subgrupo: A1.

Escala/subescala: Administración xeral. Subescala técnica.

Tipo de provisión: concurso-oposición.

Denominación do posto de traballo: asistente/a social.

Número de postos: 1.

Subgrupo: A2.

Escala/subescala: Administración especial. Subescala técnica.

Tipo de provisión: concurso-oposición.

Denominación do posto de traballo: auxiliar administrativo/a.

Número de postos: 1.

Subgrupo: C2.

Escala/subescala: Administración xeral. Subescala auxiliar.

Tipo de provisión: concurso-oposición.

Persoal laboral

a) A tempo completo.

Denominación do posto de traballo: conserxe-limpador/a de colexio público (CEIP).

Número de postos: 1.

Subgrupo: disposición adicional 7ª da Lei do Estatuto básico do empregado público.

Categoría profesional: conserxe-limpador/a de colexio público (CEIP).

Tipo de provisión: concurso-oposición.

Denominación do posto de traballo: limpador/a.

Número de postos: 1.

Subgrupo: disposición adicional 7ª da Lei do Estatuto básico do empregado público.

Categoría profesional: limpador/a.

Tipo de provisión: concurso-oposición.