O 22 de xuño de 2022 o alcalde ditou o Decreto nº 1573/2022, que acorda o seguinte:

Primeiro. Aprobar a oferta de emprego público deste concello para o ano 2022, que contén os seguintes postos de traballo:

Persoal funcionario:

Funcionarios de carreira; escala de Administración xeral, subescala subalternos.

Grupo	Clasificación	Número de vacantes	Denominación	Sistema de acceso
A2	Persoal funcionario	2	Arquitecto/a técnico/a	Oposición libre
A1	Persoal funcionario	1	Técnico/a de Administración xeral (ADL)	Oposición libre
C2	Persoal funcionario	1	Auxiliar administrativo/a de biblioteca	Concurso-oposición

Segundo. Publicar a oferta de emprego público no taboleiro de anuncios da Corporación, así como na sede electrónica deste concello e no Diario Oficial de Galicia.

Terceiro. Convocar as prazas ofertadas en execución da presente oferta de emprego público dentro do prazo improrrogable de tres anos contados desde a súa data de publicación, debendo acreditarse nese intre a existencia de consignación orzamentaria axeitada e suficiente.

Noia, 22 de xuño de 2022

José Santiago Freire Abeijón
Alcalde