Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 143 Xoves, 28 de xullo de 2022 Páx. 41616

IV. Oposicións e concursos

Servizo Galego de Saúde

ANUNCIO do 18 de xullo de 2022, da Xerencia da Área Sanitaria de Lugo, A Mariña e Monforte de Lemos, polo que se publica a resolución da mesma data pola que se convocan para a súa provisión, polo sistema de libre designación, varios postos de coordinador/a do Servizo de Enfermaría do nivel de Atención Primaria.

De conformidade co previsto no Decreto 206/2005, do 22 de xullo (DOG núm. 145, do 29 de xullo), de provisión de prazas de persoal estatutario do Servizo Galego de Saúde, e na Orde da Consellería de Sanidade do 24 de maio de 2006 (DOG núm. 106, do 5 de xuño), pola que se establecen as bases do procedemento para a provisión de postos de xefatura e coordinación das institucións sanitarias do Servizo Galego de Saúde, e en virtude das competencias atribuídas polo Decreto 137/2019, do 10 de outubro (DOG núm. 208, do 31 de outubro), polo que se establece a estrutura orgánica do Servizo Galego de Saúde, e no Decreto 134/2019, do 10 de outubro (DOG núm. 204, do 25 de outubro), polo que se regulan as áreas sanitarias e os distritos sanitarios do Sistema público de saúde de Galicia, así como na Orde do 22 de abril de 2020 (DOG núm. 82, do 29 de abril), de delegación de competencias en órganos centrais e periféricos da Consellería de Sanidade e do Servicio Galego de Saúde e na Axencia Galega para a Xestión do Coñecemento en Saúde, modificada pola Orde do 25 de maio de 2020 (DOG núm. 103, do 29 de maio), esta Xerencia

DISPÓN:

Primeiro. Anunciar a convocatoria para cubrir, polo procedemento de libre designación, a provisión dos postos de coordinador/a de servizo do nivel de Atención Primaria que se relacionan no anexo.

Segundo. As retribucións dos postos ofertados serán as que correspondan de acordo coas ordes vixentes polas que se ditan instrucións sobre a confección de nóminas do persoal ao servizo da Administración autonómica.

Terceiro. As bases íntegras da convocatoria estarán expostas nos taboleiros de anuncios do Hospital Universitario Lucus Augusti (Complexo Hospitalario Universitario de Lugo) e na intranet da Xerencia da Área Sanitaria de Lugo, A Mariña e Monforte de Lemos, así como na páxina web do Servizo Galego de Saúde (www.sergas.es).

Cuarto. As solicitudes para participar na presente convocatoria, xunto coa documentación a que se refiren as bases da mesma, presentaranse, dirixidas ao Xerente da Área Sanitaria de Lugo, A Mariña e Monforte de Lemos, preferentemente no Rexistro do Hospital Universitario Lucus Augusti (Complexo Hospitalario Universitario de Lugo), rúa Doutor Ulises Romero, nº 1, 27003, Lugo; ou a través de calquera dos procedementos previstos no artigo 16 da Lei 39/2015, do 1 de outubro, de procedemento administrativo común das administracións públicas, no prazo de quince (15) días hábiles, contados a partir do seguinte ao da publicación deste anuncio no Diario Oficial de Galicia.

Lugo, 18 de xullo de 2022

Ramón Ares Rico
Xerente da Área Sanitaria de Lugo, A Mariña e Monforte de Lemos

ANEXO

Denominación do posto

Servizo de Atención Primaria

Nº de prazas

Coordinador/a de servizo de Atención Primaria

O Corgo

1

Coordinador/a de servizo de Atención Primaria

Chantada

1

Coordinador/a de servizo de Atención Primaria

Sagrado Corazón (Lugo)

1

Coordinador/a de servizo de Atención Primaria

Illas Canarias (Lugo)

1

Coordinador/a de servizo de Atención Primaria

Palas de Rei

1

Coordinador/a de servizo de Atención Primaria

Mondoñedo

1