No Servizo de Montes da Xefatura Territorial da Consellería do Medio Rural na Coruña estase tramitando unha solicitude de aprobación do proxecto de ordenación do monte Aguieira, Rañal, Ameneiro e Miranda na parroquia de Landoi, concello de Cariño, por solicitude dos seus propietarios a CMVMC de Landoi.

A superficie afectada é de 575,4952 hectáreas de acordo co proxecto de ordenación. O procedemento está regulado pola Lei 7/2012, do 28 de xuño, de montes de Galicia, e polo Decreto 52/2014, do 16 de abril, polo que se regulan as instrucións xerais de ordenación e de xestión de montes de Galicia, sendo tamén de aplicación a Lei 21/2013, do 9 de decembro, de avaliación ambiental, modificada pola Lei 9/2018, do 5 de decembro (BOE do 6.12.2018), e segundo o disposto no seu artigo 36, comunícase a exposición pública do proxecto durante un prazo de trinta días, para que calquera persoa ou entidade poida consultalo e, de ser o caso, presentar alegacións a el, como paso previo ao seu envío á Dirección Xeral de Calidade Ambiental, Sostibilidade e Cambio Climático, que, como órgano ambiental, continuará a tramitación de avaliación de impacto ambiental e formulará a declaración de impacto ambiental que terá a natureza de informe preceptivo e determinante, determinando se procede ou non para os efectos ambientais, a realización do proxecto e, de ser o caso, as condicións en que pode desenvolverse, as medidas correctoras e as medidas compensatorias.

A autoridade forestal é a competente para autorizar a solicitude do proxecto de ordenación do monte veciñal.

Desde o día seguinte á publicación deste anuncio, o proxecto está dispoñible para a súa consulta en horario de atención ao público no Servizo de Montes da Xefatura Territorial, na rúa Vicente Ferrer, número 2, planta sexta norte, na Coruña, e no portal web da Consellería do Medio Rural onde pode consultarse na ligazón seguinte:

http://mediorural.xunta.gal/gl/recursos/anuncios

A Coruña, 13 de xullo de 2022

José Manuel Santos Maneiro
Xefe territorial da Coruña