Mediante Resolución da Alcaldía, do 13 de xullo de 2022, aprobáronse as bases que rexerán a convocatoria para a provisión en propiedade, dunha (1) praza de persoal laboral fixo, a tempo parcial, categoría IV, mediante a aplicación dos procesos de estabilización derivados da Lei 20/2021, do 28 de decembro, de medidas urxentes para a redución da temporalidade no emprego público, e incluída na oferta de emprego público de 2022, coas seguintes características:
Praza de persoal laboral fixo, a tempo parcial, denominada auxiliar administrativo, pertencente á categoría IV e adscrita ao Departamento de Servizos Sociais municipais.
Número de vacantes: 1.
No Boletín Oficial da provincia de Pontevedra número 140, do 22 de xullo de 2022, publicáronse as referidas bases na súa integridade.
Prazo de presentación das solicitudes: dez (10) días naturais contados a partir do seguinte ao da publicación do correspondente anuncio no Boletín Oficial del Estado.
Catoira, 22 de xullo de 2022
Alberto García García
Alcalde presidente