En cumprimento do disposto na Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental, modificada pola Lei 5/2017, do 19 de outubro, de fomento da implantación de iniciativas empresariais en Galicia, e pola Lei 9/2021, do 25 de febreiro, de simplificación administrativa e de apoio á reactivación económica de Galicia; na Lei 24/2013, do 26 de decembro, do sector eléctrico, e no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica; na Lei 21/2013, do 9 de decembro, de avaliación ambiental; na Lei 1/2021, do 8 de xaneiro, de ordenación do territorio de Galicia, e demais normas vixentes de aplicación, sométese a información pública a solicitude relacionada coa instalación que se describe a seguir.
Antecedentes:
– O 27.8.2020, Enel Green Power España, S.L. presentou unha solicitude de modificación substancial para a autorización de instalacións de produción de enerxía eléctrica e as súas infraestruturas de evacuación para o proxecto denominado parque eólico Ligonde-San Simón, ao abeiro da Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental, modificada pola disposición derradeira sétima da Lei 5/2017, do 19 de outubro, de fomento da implantación de iniciativas empresariais en Galicia (DOG nº 203, do 25 de outubro) e pola Lei 9/2021, do 25 de febreiro, de simplificación administrativa e de apoio á reactivación económica de Galicia (DOG nº 39, do 26 de febreiro).
– O 31.8.2020, Enel Green Power España, S.L. presentou unha corrección de erros da solicitude presentada o 27.8.2020.
– O 4.12.2020, a Dirección Xeral de Planificación Enerxética e Recursos Naturais notificoulle un requirimento de documentación, e o 11.12.2020, en resposta ao devandito requirimento desta dirección xeral, a promotora achega documentación complementaria e a declaración responsable do EIA, P. execución, P. sectorial e a do estudo arqueolóxico, e o 16.12.2020 achega unha nova declaración responsable do P. de execución.
– O 25.1.2021, a Dirección Xeral de Planificación Enerxética e Recursos Naturais admitiu a trámite a modificación substancial presentada o 27.8.2020.
– O 5.3.2021, a Dirección Xeral de Planificación Enerxética e Recursos Naturais remitiulle á promotora o informe sobre a relación de organismos que deben emitir informe sobre o estudo de impacto ambiental. O 29.3.2021, presenta un novo estudo de impacto ambiental.
– O 16.7.2021, a Dirección Xeral de Planificación Enerxética e Recursos Naturais notificoulle un requirimento de documentación e, o 2.8.2021, a promotora achegou un novo estudo de impacto ambiental. A Dirección Xeral de Planificación Enerxética e Recursos Naturais, para continuar co procedemento, solicitou o informe recollido no artigo 33.7 da Lei 8/2009 ao órgano competente en materia do territorio o 2.2.2021.
– En resposta á citada solicitude de informe do 29.4.2021, a Dirección Xeral de Ordenación do Territorio e Urbanismo emitiu informe de referencia do artigo 33.7 da Lei 8/2009, onde se indica que os aeroxeradores cumpren as distancias de 500 m a núcleos de poboación.
– O 7.12.2021, a promotora presentou o xustificante de pagamento da tramitación do proxecto sectorial.
– De acordo co artigo 33.9 da Lei 8/2009, o 8.2.2022 a dirección xeral competente en materia de enerxía enviou a esta xefatura territorial o expediente, para continuar coa súa tramitación ata completalo e remitilo ao dito centro directivo, conforme o artigo 33.16 da Lei 8/2009.
– O 4.7.2022, a promotora desiste da declaración de utilidade pública solicitada o 27.8.2020.
– O 5.7.2022, a Xefatura Territorial de Lugo acepta a desistencia da declaración de utilidade pública presentada polo promotor.
Os datos do proxecto son os seguintes:
Solicitante/promotora: Enel Green Power España, S.L. (NIF B61234613).
Domicilio social: rúa Fernando de Casas Novoa, 35, portal B, 2º andar, Santiago de Compostela.
Denominación do proxecto: parque eólico Ligonde-San Simón.
Situación: concellos de Guntín, Monterroso e Portomarín (Lugo).
Potencia instalada: 14,4 MW.
Número de aeroxeradores que se van instalar: 3.
Produción neta anual: 39.427,4 MWh/ano.
Orzamento de execución material: 15.976.021,16 €.
Coordenadas da poligonal do parque eólico:
|
ETRS89 H29 |
||
|
UTM-X (m) |
UTM-Y (m) |
|
|
A |
601.833 |
4.747.525 |
|
B |
602.626 |
4.748.046 |
|
C |
604.950 |
4.744.673 |
|
D |
603.151 |
4.743.832 |
Coordenadas de localización dos aeroxeradores:
|
Aeroxerador |
ETRS89 H29 |
|
|
UTM-X |
UTM-Y |
|
|
LSS01 (WTG01) |
602.418 |
4.747.294 |
|
LSS02 (WTG02) |
602.639 |
4.746.830 |
|
LSS03 (WTG03) |
603.029 |
4.746.363 |
Coordenadas da envolvente da subestación:
|
Punto |
ETRS89 H29 |
|
|
UTM-X |
UTM-Y |
|
|
A1 |
602.361 |
4.747.074 |
|
B1 |
602.361 |
4.747.032 |
|
C1 |
602.465 |
4.747.031 |
|
D1 |
602.466 |
4.747.073 |
Coordenadas da localización da torre meteorolóxica:
|
ETRS89 H29 |
||
|
UTM-X (m) |
UTM-Y (m) |
|
|
TM |
602.593 |
4.746.368 |
Características técnicas principais das instalacións:
– Tres (3) aeroxeradores modelo N155 de 4,8 MW de potencia nominal unitaria, con 120 m de altura da buxa, de 155 m de diámetro de rotor, cos seus correspondentes centros de transformación, instalados no interior da góndola do aeroxerador con potencia aparente nominal de 5.350 kVA e relación de transformación 0,69/33 kV.
– Rede de media tensión soterrada para evacuación de enerxía a 33 kV, de interconexión entre os centros de transformación dos aeroxeradores 0,69/33 kV e a subestación transformadora 33/220 kV; composta por 2 circuítos con condutores tipo RH5Z1 18/30 kV Al de distintas seccións (95-500 mm2).
– Subestación transformadora do parque eólico Ligonde-San Simón 33/220 kV, para evacuación da enerxía producida no parque eólico, cunha posición de transformador 45/55 MVA ONAN/ONAF e un transformador de servizos auxiliares de 33/0,4 kV de 100 kVA.
– Unha (1) torre meteorolóxica de 120 m de altura.
– Obra civil consistente en camiños de acceso aos aeroxeradores, subestación, cimentacións, plataformas de aeroxeradores e gabias de cablaxe.
Órgano competente: o órgano competente para autorizar o proxecto da referida instalación eléctrica é a Dirección Xeral de Planificación Enerxética e Recursos Naturais.
Procedemento de avaliación ambiental: o proxecto da referida instalación eléctrica está suxeito a avaliación de impacto ambiental ordinaria, segundo o establecido no artigo 7.1.a) da Lei 21/2013, do 9 de decembro, de avaliación ambiental.
Obxecto da información pública:
A solicitude de autorización administrativa previa e de construción, o estudo de impacto ambiental e o proxecto sectorial de incidencia supramunicipal (proxecto de interese autonómico) das instalacións.
– Proxecto de execución (visado COIIM nº202001744, o 25.8.2020).
– Estudo de impacto ambiental (EIA, asinado o 30.7.2021).
– Proxecto sectorial de incidencia supramunicipal (proxecto de interese autonómico, visado nº V200212 o 22.6.2020).
O que se fai público, de conformidade co artigo 33 da Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental e demais normas anteriormente citadas, para coñecemento xeral, e para que todas aquelas persoas, naturais ou xurídicas, que se consideren afectadas nos seus dereitos ou intereses poidan examinar a documentación técnica anteriormente relacionada e, de ser o caso, presentar as alegacións ou observacións que consideren oportunas dentro do prazo de trinta (30) días, que se contarán a partir do día seguinte ao da última publicación deste acordo.
A documentación estará á disposición das persoas interesadas en formato electrónico, nas dependencias da Sección de Enerxía desta Xefatura Territorial de Lugo, da Vicepresidencia Segunda e Consellería de Economía, Empresa e Innovación (rolda da Muralla, núm. 70, baixo 2º, 27071 Lugo, das 9.00 ás 14.00 horas, de luns a venres, con cita previa no correo electrónico enerxia.lugo@xunta.gal ou nos teléfonos 982 29 46 54 e 982 29 46 56, así como nos concellos de Guntín, Monterroso e Portomarín (Lugo).
Ademais, poderase consultar no portal web da Vicepresidencia Primeira e Consellería de Economía, Industria e Innovación na seguinte ligazón:
https://ceei.xunta.gal/transparencia/parque-eolico/lingonde-san-simon
Lugo, 8 de xullo de 2022
Gustavo J. Casasola de Cabo
Xefe territorial de Lugo
