Expediente: IN407A 2021/259-1.

Solicitante: UFD Distribución Electricidad, S.A.

Denominación: ampliación de potencia de CT Monte Meda (15AX40).

Concello: Padrón.

1. Características técnicas:

Centro de transformación: cambio de máquina de 50 kVA a 100 kVA do centro de transformación Monte Meda (15AX40), con expediente de industria 30990-RALI, alimentado pola liña de media tensión PAD-804 a 20 kV procedente da subestación de Padrón. Substitución de toda a aparellaxe, a máquina de 100 kVA situarase nun novo apoio de celosía de tipo C-2000/12.

Novo apoio de celosía para o CT en substitución do existente HV-11/1000 (A3BB8D08//22-6-CT), de tipo C-12/2000 con retensado do tendido de LA-30 existente, o total de LMTA que se vai retensar é de 78 metros.

2. Lexislación de aplicación:

I. Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).

II. Lei 40/2015, do 1 de outubro, de réxime xurídico do sector público (BOE núm. 236, do 2 de outubro).

III. Lei 24/2013, do 26 de decembro, do sector eléctrico (BOE núm. 310, do 27 de decembro).

IV. Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 27 de decembro).

V. Resolución do 19 de febreiro de 2014 pola que se aproba o procedemento de autorización administrativa de construción, de acordo co previsto na Lei 24/2013, do 26 de decembro, do sector eléctrico (DOG núm. 54, do 19 de marzo de 2014).

VI. Lei do 16 de decembro de 1954, sobre expropiación forzosa (BOE núm. 351, do 17 de decembro).

VII. Decreto do 26 de abril de 1957 polo que se aproba o Regulamento da Lei de expropiación forzosa (BOE núm. 160, do 20 de xuño).

A relación concreta e individualizada dos bens e dereitos afectados que se consideran de necesaria expropiación figura no anexo que se xunta con este acordo.

A declaración de utilidade pública, segundo o artigo 56 da Lei 24/2013, do sector eléctrico, levará implícita, en todo caso, a necesidade de ocupación dos bens ou de adquisición dos dereitos afectados e implicará a urxente ocupación, para os efectos do artigo 52 da Lei de expropiación forzosa.

A documentación estará á disposición das persoas interesadas nas dependencias da Sección de Enerxía da Xefatura Territorial da Vicepresidencia Primeira e Consellería de Economía, Industria e Innovación da Coruña (rúa Vicente Ferrer, núm. 2, 2º andar, 15071 A Coruña), das 9.00 ás 14.00 horas, de luns a venres, con cita previa a través do correo electrónico: seccion.enerxia.coruna@xunta.es, ou tamén nos teléfonos: 981 18 49 70 e 981 18 49 38), así como no Concello. Isto faise público para coñecemento xeral e particular das persoas propietarias dos predios que figuran na relación anexa a este acordo e das persoas titulares de dereitos reais ou intereses económicos, sobre os bens afectados que fosen omitidos. Poderán examinar a documentación técnica, e de ser o caso, achegar as alegacións ou observacións que consideren oportunas no prazo de 30 días, contados a partir do día seguinte ao da última publicación deste acordo.

Ademais, poderase consultar no portal web da Vicepresidencia Primeira e Consellería de Economía, Industria e Innovación:

https://edicionportais.xunta.es/web/portal-cei-2014/transparencia/informacion-publica/en-tramitacion/instalacions-electricas-distribucion-e-transporte

A Coruña, 1 de xullo de 2022

Isidoro Martínez Arca
Xefe territorial da Coruña

ANEXO

Expediente.: IN407A 2021/259-1.

Solicitante: UFD Distribución Electricidad, S.A.

Denominación: ampliación de potencia de CT Monte Meda (15AX40).

Concello: Padrón.

Relación de propietarias/os, bens e dereitos afectados

Abreviacións:

ml aér.: lonxitude da servidume aérea en metros lineais.

ml sot.: lonxitude da servidume soterrada en metros lineais.

m2 aér.: superficie de servidume aérea en m2.

m2 sot.: superficie de servidume soterrada en m2.

Nº de predio	Datos catastrais		Lugar	Cultivo	Propietarios/as	Afección de solo en pleno dominio		Afección de solo por servidume de paso de enerxía eléctrica
	Pol.	Parc.				Apoio nº	m2	ml aér.	ml sot.	m2 aér.	m2 sot.
1	50	758	Monte Lapido	Agrario	MVMC Lapido Consellería do Medio Rural-Servizo de Montes	A3BB8D08//22- 6CT	182,5