Mediante o Acordo do 29.6.2022, da Xefatura Territorial de Ourense, foi sometida á información pública a solicitude das autorizacións administrativas previa e de construción e da declaración de utilidade pública, en concreto, dunha instalación eléctrica no concello de Rubiá (expediente IN407A 2022/91-3), a cal foi publicada no DOG do 22 de xullo de 2022, realizándoselles ao mesmo tempo a notificación aos particulares afectados.
De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, mediante este anuncio emprázanse os titulares do predio que no anexo se relacionan para seren notificados por comparecencia, por non ter sido posible efectuar a notificación prevista na citada norma.
Os interesados, ou os seus representantes, deberán comparecer no prazo de dez días, contados a partir do día seguinte ao da publicación deste anuncio no taboleiro de edictos único (TEU) do Boletín Oficial del Estado, nas dependencias da Xefatura Territorial de Ourense da Vicepresidencia Primeira e Consellería de Economía, Industria e Innovación, na rúa Curros Enríquez nº 1-3º (Servizo de Enerxía e Minas), das 9.00 ás 14.00 horas, de luns a venres. A eficacia deste anuncio queda supeditada á súa publicación no TEU.
Unha vez transcorrido o devandito prazo sen efectuar a comparecencia, a notificación entenderase producida desde o día seguinte ao do vencemento do prazo sinalado para comparecer.
Ourense, 28 de xullo de 2022
O xefe territorial de Ourense
P.S. (Decreto 116/2022, artigo 41.3)
José Rodríguez Paz
Xefe do Servizo de Enerxía e Minas
ANEXO
Relación de afectados descoñecidos, de domicilio ignorado
ou non notificados
Núm. de expediente: IN407A 2022/91-3.
Solicitante: UFD Distribución Electricidad, S.A.
Denominación da instalación: regulamentación LAT, 132 kV, San Martín-Carucedo DAR AP.100.
Termo municipal: Rubiá.
Predio núm. en proxecto: 1.
Lugar: A Pinguela.
Cultivo: monte alto.
Titulares: hrdos. de Aurora Fernández Núñez.
Afeccións: apoio núm. 100N, cunha superficie de ocupación de 13,39 m².