Mediante a Resolución do 21 de marzo de 2022, que foi publicada no DOG núm. 63, do 31 de marzo, aprobouse a convocatoria do procedemento de concesión de axudas correspondentes ao Programa de incentivos para a implantación de instalación de enerxías renovables térmicas en diferentes sectores da economía, no marco do Plan de recuperación, transformación e resiliencia, financiado pola Unión Europea-NextGeneratiónEU (código de procedemento IN422N).
O artigo 4.2 da convocatoria prevé que «os orzamentos por tecnoloxía renovable poderán ser redistribuídos pasados tres meses desde a apertura do prazo de solicitudes para adaptarse á evolución da axuda solicitada en cada unha das epígrafes» .
Transcorrido o dito prazo, nalgunha das epígrafes non se rexistraron solicitudes suficientes para esgotar os fondos dispoñibles e noutras das epígrafes existe listaxe de espera, polo que é de aplicación o establecido no artigo 4.2 citado anteriormente.
O artigo 31 do Decreto 11/2009 establece que cando a contía total máxima das subvencións convocadas se distribúe entre distintos créditos orzamentarios, a alteración da devandita distribución non precisará de nova convocatoria pero si das modificacións que procedan no expediente de gasto e da publicación nos mesmos medios que a convocatoria.
Por todo o anterior, e dado que nas aplicacións orzamentarias correspondentes existe crédito dispoñible e coa finalidade de incrementar a eficacia administrativa e a eficiencia na asignación de recursos públicos, maximizando o impulso de proxectos de enerxías renovables térmicas,
RESOLVO:
Primeiro. Redistribuír os fondos destinados ás subvencións para proxectos do Programa de incentivos para a implantación de instalacións de enerxías renovables térmicas en diferentes sectores da economía (IN422N) para as anualidades 2022-2023, en función do volume de solicitudes recibido, e modificar a táboa do artigo 4.2 da Resolución do 21 de marzo de 2022 da seguinte maneira:
Tecnoloxía renovable térmica |
Fondos iniciais (€) |
Modificación (€) |
Fondos finais (€) |
Biomasa |
2.300.000,00 |
1.250.000,00 |
3.550.000,00 |
Xeotermia e hidrotermia |
1.500.000,00 |
200.000,00 |
1.700.000,00 |
Aerotermia |
2.300.000,00 |
-1.500.000,00 |
800.000,00 |
Solar térmica |
45.270,60 |
50.000,00 |
95.271,00 |
Total |
6.145.270,60 |
0,00 |
6.145.270,60 |
Segundo. A presente modificación, unha vez publicada no Diario Oficial de Galicia, non implicará a modificación do prazo establecido para presentar solicitudes.
Santiago de Compostela, 8 de agosto de 2022
Pablo Fernández Vila
Director do Instituto Enerxético de Galicia