Unha vez aprobada inicialmente a modificación puntual número 6 do Plan xeral de ordenación municipal do Concello da Guarda, mediante acordo do Pleno do 29 de xullo de 2022, de conformidade co artigo 60 da Lei 2/2016, do 10 de febreiro, do solo de Galicia, sométese á información pública polo prazo de dous meses contados desde o día seguinte ao da última publicación do presente anuncio no Diario Oficial de Galicia e no Faro de Vigo.
Durante o dito prazo poderá ser examinado por calquera interesado nas dependencias municipais, para que se formulen as alegacións que consideren pertinentes ou obter copias. Así mesmo, estará á disposición no portal de transparencia da sede electrónica deste concello (https://aguarda.sedelectronica.ga).
Quedan suspendidas as licenzas de parcelación de terreos, edificación e demolición na parcela con referencia catastral nº 0590203NG1309S0002DT, segundo o ámbito definido no plano SDL.01, de acordo co resumo executivo que consta no expediente. Esta suspensión terá unha duración máxima de dous anos contados desde a aprobación inicial e, en calquera caso, extinguirase coa aprobación definitiva do planeamento.
A Guarda, 2 de agosto de 2022
Antonio Lomba Baz
Alcalde