Advertidos erros no texto da orde indicada, publicada no Diario Oficial de Galicia nº 181, do 22 de setembro de 2022, é necesario efectuar as seguintes correccións:
Primeiro. Todas as referencias realizadas ás universidades do Sistema universitario de Galicia deberán entenderse efectuadas ás universidades públicas do Sistema universitario de Galicia.
Segundo. Na páxina 49365, no punto 1 do artigo 9. Obrigas das universidades, onde di:
«– Nota media do seu expediente académico na data do 30 de abril de 2021, obtida de acordo cos parámetros reflectidos no Protocolo de colaboración subscrito o 27 de xuño de 2011 entre a Consellería de Educación e Ordenación Universitaria e as universidades de Santiago de Compostela, A Coruña e Vigo para a valoración dos expedientes académicos, cuxa publicación no DOG foi acordada pola Resolución da Secretaría Xeral Técnica da Consellería de Educación e Ordenación Universitaria do 15 de setembro de 2011 (DOG do 30 de setembro), e na Resolución do 13 de febreiro de 2012, da Secretaría Xeral de Universidades, pola que se dispón a publicidade do Acordo da Comisión de Seguimento do Protocolo de colaboración entre a Consellería de Educación e Ordenación Universitaria e as universidades de Santiago de Compostela, A Coruña e Vigo para a valoración de expedientes académicos».
Debe dicir:
«– Nota media do seu expediente académico na data do 30 de abril de 2022, obtida de acordo cos parámetros reflectidos no Protocolo de colaboración subscrito o 27 de xuño de 2011 entre a Consellería de Educación e Ordenación Universitaria e as universidades de Santiago de Compostela, A Coruña e Vigo para a valoración dos expedientes académicos, cuxa publicación no DOG foi acordada pola Resolución da Secretaría Xeral Técnica da Consellería de Educación e Ordenación Universitaria do 15 de setembro de 2011 (DOG do 30 de setembro), e na Resolución do 13 de febreiro de 2012, da Secretaría Xeral de Universidades, pola que se dispón a publicidade do Acordo da Comisión de Seguimento do Protocolo de colaboración entre a Consellería de Educación e Ordenación Universitaria e as universidades de Santiago de Compostela, A Coruña e Vigo para a valoración de expedientes académicos».