En cumprimento do disposto na Lei 24/2013, do 26 de decembro, do sector eléctrico; no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e na Lei 9/2021, do 25 de febreiro, de simplificación administrativa e de apoio á reactivación económica de Galicia, sométese a información pública a solicitude relacionada coas instalacións que se describen a seguir:
Solicitante: UFD Distribución Electricidad, S.A.
Domicilio social: avenida San Luis, 77, 28033 Madrid.
Denominación: regulamentación LMTA CEL804 derivada a CT 32CGS6 (A Merca).
Situación: concello da Merca.
Características principais recollidas no proxecto:
– Substitución dos apoios núm. 89-4 e núm. 89-7 de formigón de tipo HV-12/250-B2-CA e HV-12/250-CR1-CA, por atoparse en avanzado estado de deterioración, respectivamente, por apoios metálicos de celosía de tipo C-14/1000-H35-CA e C-16/1000-H35-CA.
– Substitución de 1.466 metros de condutor nu LA-30 por LA-56. Como consecuencia do anterior, substitúense os apoios de formigón números: 89-2, 89-3, 89-4, 89-5, 89-6, 89-8, 89-9 e 89-10, inadecuados para as novas condicións do tendido, e instálanse no seu lugar apoios metálicos de celosía, incluíndo o retensado dos vans das dúas derivadas existentes.
O obxecto da información pública será a autorización administrativa previa, a autorización administrativa de construción e a declaración de utilidade pública, en concreto, da citada instalación eléctrica. A declaración de utilidade pública levará implícita, de acordo co artigo 56 da Lei 24/2013, do 26 de decembro, do sector eléctrico, a necesidade da urxente ocupación para os efectos da expropiación forzosa dos bens e dereitos afectados necesarios para o establecemento destas instalacións.
Documentación que se expón:
1. O proxecto de execución, asinado polo enxeñeiro industrial David Núñez Fernández, colexiado nº 1534 do ICOIIG, o 7.4.2022.
2. A relación concreta e individualizada dos propietarios de bens e de dereitos afectados, que figura no anexo a este acordo.
3. Planos parcelarios do proxecto.
O que se fai público, para o coñecemento xeral, así como, en particular, dos propietarios dos predios que figuran na relación anexa a este acordo, e das persoas que, sendo titulares de dereitos reais ou intereses económicos sobre os bens afectados, fosen omitidas, para que poidan examinar a documentación técnica anteriormente relacionada e, se for o caso, presentar as alegacións ou observacións que coiden oportunas dentro do prazo de trinta (30) días, que se contará a partir do día seguinte ao da publicación deste acordo no Diario Oficial de Galicia.
Toda a documentación poderase examinar na Xefatura Territorial da Vicepresidencia Primeira e Consellería de Economía, Industria e Innovación en Ourense, rúa Curros Enríquez, nº 1, 32003 Ourense, e na seguinte ligazón web da Consellería:
http://ceei.xunta.gal/transparencia/documentos-sometidos-a-informacion-publica
Ourense, 13 de setembro de 2022
Alicia María López Míguez
Xefa territorial de Ourense
ANEXO
Relación de bens e dereitos afectados
Núm. de expediente: IN407A 2022/124-3.
Concello: A Merca.
Denominación da instalación: regulamentación LMTA CEL804 derivada a CT 32CGS6.
Predio núm. en proxecto: 3; referencia catastral: 32048A502000450000XT.
Lugar: Abelairas.
Cultivo: labor.
Titulares: hdros. de Antonio Santos Mouriño.
Afección: ocupación de 2 m² para o apoio núm. 89-8.
Predio núm. en proxecto: 4; referencia catastral: 32048A502100610000XG.
Lugar: Abelairas.
Cultivo: prado.
Titular: Francisco Javier Requejo Seara.
Afección: ocupación de 2 m² para o apoio núm. 89-9.