Mediante a Resolución da Axencia Galega de Innovación do 4 de maio de 2022 (DOG núm. 96, do 19 de maio) convocáronse as subvencións do programa Consolida Bio para o apoio á consolidación do sector biotecnolóxico a través de plans de investimento e innovación, financiados no marco do eixe REACT-UE do programa operativo do Fondo Europeo de Desenvolvemento Rexional (Feder) de Galicia 2014-2020 como parte da resposta da UE á pandemia da COVID-19.
No seu artigo 21 regúlase a resolución e notificación destas axudas unha vez que a comisión de selección establecida no artigo 18 seleccione as solicitudes admitidas e emita un informe no cal se concrete o resultado da avaliación efectuada e a contía da axuda proposta, conforme os criterios establecidos no artigo 19.
De acordo con isto, e atendendo ao informe elaborado na sesión do 21 de setembro de 2022 pola comisión de selección, esta Axencia Galega de Innovación
RESOLVE:
1. Conceder a axuda para o apoio á consolidación do sector biotecnolóxico a través de plans de investimento e innovación, financiados no marco do eixe REACT-UE do programa operativo do Fondo Europeo de Desenvolvemento Rexional (Feder) de Galicia 2014-2020 como parte da resposta da UE á pandemia da COVID-19, á entidade que presentou solicitude á dita convocatoria, a cal foi puntuada de conformidade co disposto no artigo 19 das bases reguladoras, que figura no anexo I a esta proposta. O importe total da axuda concedida é 100.944,73 €, con cargo á aplicación orzamentaria que se recolle no seguinte cadro:
Aplicación/proxecto |
Anualidade 2022 |
Anualidade 2023 |
Total |
06.A2.561A.770.0/2021 00012 |
23.219,80 € |
77.724,93 € |
100.944,73 € |
2. Para xustificar a subvención deberá presentarse a documentación indicada no artigo 27 da resolución de convocatoria no prazo establecido no artigo 26, no seu punto 2.
3. Contra esta resolución, sen prexuízo de que o interesado poida exercer calquera outro que consideren procedente, poderá interpor recurso de alzada no prazo dun mes, contado desde o día seguinte ao da notificación da resolución, perante o presidente da Axencia Galega de Innovación, segundo o disposto nos artigos 121 e 122 da Lei 39/2015, do 1 de outubro, do procedemento administrativo común das administracións públicas.
Disposición derradeira
Esta resolución entrará en vigor o día seguinte ao da súa publicación no Diario Oficial de Galicia.
Santiago de Compostela, 30 de setembro de 2022
Patricia Argerey Vilar
Directora da Axencia Galega de Innovación
ANEXO I
Entidades beneficiarias
Nº de expediente |
Razón social |
CIF |
Puntos |
Orzamento total |
Axuda total |
001_IN861A_INDROPS |
Indrops Laboratorio de Análisis y Calidad Medioambiental, S.L. |
B70318589 |
62,0 |
476.073,65 € |
100.944,73 € |