Mediante a Resolución, da Dirección Xeral de Recursos Humanos do Servizo Galego de Saúde, do 2 de marzo de 2022 (Diario Oficial de Galicia núm. 49, do 11 de marzo), habilitouse o prazo dun mes para que os/as aspirantes seleccionados/as no proceso selectivo para o acceso á categoría de persoal de servizos xerais, en prazas reservadas para seren cubertas por persoas que acrediten discapacidade intelectual, convocado pola Resolución do 30 de setembro de 2019 (Diario Oficial de Galicia núm. 191, do 8 de outubro), presentasen a documentación acreditativa do cumprimento dos requisitos da convocatoria.

A base novena da Resolución do 30 de setembro de 2019 (Diario Oficial de Galicia núm. 191, do 8 de outubro) de convocatoria do proceso dispón que, logo de comprobada a documentación de todos/as os/as aspirantes aprobados/as, a Dirección Xeral de Recursos Humanos publicará no Diario Oficial de Galicia a relación de aspirantes definitivamente seleccionados/as, as prazas que se lles oferten e o procedemento e prazo para que estes/as manifesten a súa opción polos destinos ofertados.

En virtude do exposto, unha vez comprobada a documentación dos/das aspirantes e finalizados os prazos de impugnación administrativa contra a Resolución do 2 de marzo de 2022 (Diario Oficial de Galicia núm. 49, do 11 de marzo) pola que se fai público o acordo do tribunal da categoría de persoal de servizos xerais, en prazas reservadas para seren cubertas por persoas que acrediten discapacidade intelectual, esta dirección, como órgano convocante do proceso,

RESOLVE:

Primeiro. Publicar como anexo I, pola orde de puntuación total obtida no proceso, a relación de aspirantes definitivamente seleccionados/as no concurso-oposición para o ingreso na categoría de persoal de servizos xerais, en prazas reservadas para seren cubertas por persoas que acrediten discapacidade intelectual, convocado pola Resolución da Dirección Xeral de Recursos Humanos do 30 de setembro de 2019.

Segundo. Aprobar a relación de prazas que se ofertan aos/ás aspirantes seleccionados/as neste proceso, e que figura como anexo II desta resolución.

Terceiro. Abrir un prazo de dez (10) días hábiles, contados a partir do seguinte ao desta publicación, para que os/as aspirantes que constan nesta resolución seleccionen os destinos ofertados por orde de prelación, no modelo de formulario que consta en formato editable á disposición dos/das aspirantes na páxina web do Servizo Galego de Saúde (www.sergas.es).

A selección de destinos no devandito formulario efectuarase consonte o seguinte procedemento:

a) O/a aspirante cubrirá os seus datos persoais e seleccionará os destinos ofertados por orde de prelación, de maior a menor preferencia.

b) Para os efectos da súa indicación no formulario, o/a aspirante deberá identificar os destinos polo concello onde están situados.

c) Logo de efectuada a selección de prazas, deberá asinar o formulario e presentalo nun rexistro administrativo ou a través de calquera dos procedementos previstos no artigo 16.4 da Lei 39/2015, do 1 de outubro, do procedemento administrativo común das administracións públicas, dentro do prazo de dez días hábiles contados a partir do seguinte ao da publicación desta resolución.

d) O formulario irá dirixido á Dirección Xeral de Recursos Humanos, edificio administrativo San Lázaro s/n, 15703 Santiago de Compostela.

Os/as aspirantes que, neste prazo e conforme o procedemento establecido, non seleccionen ningún destino, non poderán ser nomeados/as persoal estatutario fixo e quedarán sen efecto todas as súas actuacións neste proceso.

Cuarto. Contra esta resolución, que pon fin á vía administrativa, poderase interpoñer recurso potestativo de reposición ante este órgano directivo, no prazo dun mes a partir do día seguinte ao da súa publicación, de conformidade co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou poderase impugnar directamente na xurisdición contencioso-administrativa nos termos da Lei 29/1998, do 13 de xullo.

Santiago de Compostela, 5 de outubro de 2022

Ana María Comesaña Álvarez
Directora xeral de Recursos Humanos

ANEXO I

Relación de aspirantes definitivamente seleccionados/as

Nº orde	DNI	Apelidos e nome	Nota OPE	Formación	Experiencia	Total
1	***6389**	García García, Débora	100,000	8,000	0,100	108,100
2	***6934**	Rodríguez Fernández, Patricia	94,000	8,000	1,200	103,200
3	***8388**	Núñez Lamas, Mario	93,000	6,900	0,000	99,900
4	***5924**	Ballón Cue, Ángel	91,000	8,000	0,800	99,800
5	***7336**	Vilas Navarro, Sara	97,000	1,500	0,000	98,500
6	***7609**	Lorenzo González, Estefanía	88,000	8,000	0,250	96,250
7	***7126**	Moukhlissi Juicha, Badreddine	95,000	0,870	0,150	96,020
8	***1469**	Taboada Díaz, Laura Manuela	93,000	2,340	0,200	95,540
9	***7869**	López Valín, Sofía	87,000	8,000	0,000	95,000

ANEXO II

Destinos que se ofertan

Centro directivo	Centro	Quenda	Concello	Nº prazas
A.S. da Coruña e Cee	C.S. Os Mallos	Mañá	A Coruña	1
A.S. da Coruña e Cee	Casa do Mar	Mañá	A Coruña	1
A.S. de Ferrol	C.S. Fontenla Maristany	Mañá	Ferrol	1
A.S. de Lugo, A Mariña e Monforte de Lemos	C.S. Sarria	Mañá	Sarria	1
A.S. de Lugo, A Mariña e Monforte de Lemos	C.S. Praza do Ferrol	Mañá	Lugo	1
A.S. de Ourense, Verín e O Barco de Valdeorras	C.S Ribadavia	Mañá	O Carballiño	1
A.S. de Pontevedra e O Salnés	C.S. Lérez	Mañá	Pontevedra	1
A.S. de Vigo	C.S. A Doblada	Desprazable	Vigo	1
A.S. de Vigo	C.S. Redondela	Mañá	Redondela	1