De conformidade co artigo 8 da Lei 19/2013, do 9 de decembro, de transparencia, acceso á información pública e bo goberno, dáse publicidade á seguinte encomenda coas seguintes características:
Resolución do 16 de setembro de 2022, da Consellería do Mar, pola que se lle encarga ao medio propio Fundación Centro Tecnolóxico do Mar (Cetmar) a prestación do servizo de oficina técnica para o seguimento do expediente «Desenvolvemento e adquisición de solucións innovadoras para a mellora dos servizos públicos de emerxencia e de xestión dos recursos mariños da Xunta de Galicia (Civil UAV). Lote 3, servizos de investigación marítima e relacionados coa pesca».
– Actividade: prestación do servizo de oficina técnica para o seguimento do expediente «Desenvolvemento e adquisición de solucións innovadoras para a mellora dos servizos públicos de emerxencias e de xestión dos recursos mariños da Xunta de Galicia (Civil UAV Initiative). Lote 3, servizos de investigación marítima e relacionados coa pesca».
– Natureza e alcance da xestión encomendada: encomenda de xestión a medios propios ao ter a Fundación Centro Tecnolóxico do Mar (Cetmar) a consideración de medio propio instrumental e de servizo técnico da Administración xeral da Comunidade Autónoma de Galicia, en cumprimento do establecido nos artigos 10, 47 e seguintes da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.
– Prazo de vixencia: desde o 19 de setembro de 2022 ata o 30 de novembro de 2023.
– Financiamento: tramitouse con cargo aos orzamentos da Comunidade Autónoma de Galicia na aplicación orzamentaria 15.02.723A.640.1, código do proxecto 2016 00287, cofinanciada polo Fondo Europeo Marítimo e de Pesca (FEMP) nun 75 %.
Santiago de Compostela, 6 de outubro de 2022
Silvia Cortiñas Fernández
Secretaria xeral técnica da Consellería do Mar