De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), logo de ser intentada sen éxito a notificación persoal a través do servizo de Correos, notifícaselles ás persoas interesadas que se sinalan no anexo deste anuncio o inicio do expediente PSC-FE-0278/2022-PPM e oito máis.

A eficacia do acto queda supeditada á súa publicación no taboleiro de edictos único do Boletín Oficial del Estado, polo que o prazo para presentar alegacións computarase desde esa publicación.

As persoas interesadas poderán comparecer nas oficinas da sede da Xefatura Territorial da Consellería do Mar, sitas na avenida Gerardo Harguindey Banet, 2, Viveiro, das 9.00 ás 14.00 horas, de luns a venres, para o coñecemento íntegro do acordo de inicio e constancia de tal coñecemento.

O procedemento desenvolverase de conformidade co principio de acceso permanente. Para estes efectos, en calquera momento do procedemento, as persoas interesadas teñen dereito a coñecer o seu estado de tramitación e a acceder e obter copias dos documentos contidos nel, de acordo co artigo 53.1.a) da Lei 39/2015, do 1 de outubro, do procedemento administrativo común das administracións públicas.

Sen prexuízo do anterior, as persoas interesadas dispoñen dun prazo de 15 días para presentar cantas alegacións, documentos ou informacións consideren pertinentes e, se é o caso, propoñer proba concretando os medios de que pretendan valerse, segundo o disposto no artigo 64.2.f) da Lei 39/2015, do 1 de outubro, do procedemento administrativo común das administracións públicas.

De non efectuar alegacións sobre o contido da iniciación do procedemento no prazo anteriormente citado, a iniciación poderá ser considerada proposta de resolución, cos efectos previstos para esta no artigo 89.2 da Lei 39/2015, do 1 de outubro, de conformidade co disposto no artigo 64.2.f) citado.

A Coruña, 29 de setembro de 2022

María José Cancelo Baquero
Xefa territorial da Coruña

ANEXO

Nº de expediente	DNI/NIF/NIE	Acto que se notifica	Enderezo
PSC-FE-0278/2022-ORS	46907852L	Inicio	Rúa Principal, 28, 1º, Boiro
PSC-FE-0313/2022-PRE	35451225Z	Inicio	Rúa Arcebispo Andrade, 13, 4º D, Vilagarcía de Arousa
PSC-FE-0329/2022-COP	X1782326X	Inicio	Avenida Constitución, 4, bloque 2, 5º A, Boiro
PSC-FE-0349/2022-PPM	78806884Y	Inicio	Lugar A Igrexa, 162, Abanqueiro, Boiro
PSC-FE-0350/2022-PPM	76969975S	Inicio	Rego, 22, A Pobra do Caramiñal
PSC-FE-0363/2022-PPM	33288126L	Inicio	Virxe do Camiño, 12, Muros
PSC-FE-0365/2022-PPM	34897106B	Inicio	Rúa Xogo da Bola, 1, baixo, Dexo, Oleiros
PSC-FE-0367/2022-PRE	36027956C	Inicio	Rúa Anchoa, 15, Fisterra
PSC-FE-0375/2022-PPM	53488842L	Inicio	Curbera, 27, Cabo de Cruz, Boiro