O Concello de Cambados ditou resolución do expediente sancionador SCOVID/CAMBADOS/0114 e catro máis por vulneración da normativa sanitaria.

Intentada a notificación das resolucións por correo certificado con xustificante de recepción no domicilio que consta nos correspondentes expedientes sancionadores, estas foron devoltas polo servizo de Correos. Por este motivo, e de conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, a notificación das resolucións ditadas nos procedementos sancionadores en materia sanitaria ás persoas interesadas que figuran no anexo efectúase por medio dun anuncio publicado no Boletín Oficial del Estado (BOE), que previamente se publica no Diario Oficial de Galicia.

Dado que neste acto non se publican na súa integridade as notificacións referidas, de conformidade co artigo 46 da Lei 39/2015, do 1 de outubro, do procedemento administrativo común das administracións públicas, o texto íntegro dos actos que se notifican está á disposición das persoas interesadas, xunto co resto do expediente, no prazo máximo de dez (10) días hábiles, contados desde o día seguinte ao desta publicación no Boletín Oficial del Estado, nas oficinas municipais do Concello de Cambados, situadas na praza do Concello, 1, Cambados (Pontevedra), das 9.00 ás 14.00 horas, de luns a venres. Advírteselles ás persoas interesadas que, de non compareceren no referido prazo, a notificación se entenderá producida, para todos os efectos, o día seguinte ao do vencemento do prazo.

As resolucións poñen fin á vía administrativa e contra elas só cabe recurso contencioso-administrativo, ante o xulgado do contencioso-administrativo da circunscrición en que o demandante teña o seu domicilio ou aquela en que se encontre a sede do órgano autor do acto orixinario impugnado (entendéndose limitada esta posibilidade de elección só aos xulgados que se encontren dentro da circunscrición do Tribunal Superior de Xustiza de Galicia), de acordo co establecido nos artigos 8 e 14 da Lei 29/1998, do 13 de xullo, reguladora da xurisdición contencioso-administrativa, no prazo de dous meses contados desde o día seguinte ao da súa notificación, conforme o disposto no artigo 46.1 da citada norma legal.

Este anuncio realízase ao abeiro do establecido no Convenio asinado o 27 de novembro de 2020 entre a Vicepresidencia Primeira e Consellería de Presidencia, Xustiza e Turismo e a Federación Galega de Municipios e Provincias (Fegamp) para articular a encomenda de xestión á Xunta de Galicia para a realización de actuacións auxiliares e de colaboración material na tramitación dos procedementos sancionadores competencia dos concellos de Galicia, en relación co incumprimento das medidas de prevención aprobadas para a loita contra a COVID-19.

Santiago de Compostela, 29 de setembro de 2022

Sonia Romero Doniz
Funcionaria da unidade tramitadora

ANEXO

Número de expediente	DNI/CIF Persoa interesada	Infracción imputada	Precepto cualificador	Precepto sancionador	Sanción imposta
SCOVID/CAMBADOS/0114	35040658C	Non utilizar a máscara obrigatoria nos termos establecidos na normativa vixente e non encontrarse, de forma xustificada, en ningunha das excepcións á dita obriga	Art. 57.2.c.1º) da Lei 33/2011, do 4 de outubro, xeral de saúde	Artigo 58.1.c) da Lei 33/2011 Art. 31.2 do RDL 21/2020	100 euros
		Incumprimento da limitación de permanencia de grupos de persoas non conviventes en espazos de uso público ou privado	Art. 41.g) da Lei 8/2008, do 10 de xullo, de saúde de Galicia	Artigo 44.1 e 44.2 da Lei 8/2008, do 10 de xullo, de saúde de Galicia	100 euros
SCOVID/CAMBADOS/0156	32435363G	Incumprimento da obrigra de uso de máscaras ou doutros medios de protección, ou o uso inadecuado dunhas ou doutros, nos termos establecidos pola normativa sanitaria ou polas medidas de prevención, ordes, resolucións ou actos aprobados, por razóns de protección da saúde pública, polas autoridades sanitarias competentes, se as repercusións producidas tiveron unha incidencia escasa ou sen transcendencia directa na saúde da poboación	Art. 41.bis.a) da Lei 8/2008, do 10 de xullo, de saúde de Galicia	Art. 44.bis) da Lei 8/2008, do 10 de xullo, de saúde de Galicia	100 euros
SCOVID/CAMBADOS/0200	35257977N	Incumprimento das medidas de prevención aprobadas pola autoridade sanitaria, consistentes en limitacións ás agrupacións de persoas en reunións e/ou encontros, tanto no ámbito privado como público, se as repercusións producidas tiveron unha incidencia escasa ou sen transcendencia directa na saúde da poboación	Art. 41.bis.f) da Lei 8/2008, do 10 de xullo, de saúde de Galicia	Artigo 44.bis) da Lei 8/2008, do 10 de xullo, de saúde de Galicia	100 euros
SCOVID/CAMBADOS/0276	35483759A	Incumprimento das normas emitidas polas autoridades sanitarias da Comunidade Autónoma de Galicia polas cales se establece o horario de peche dos establecementos de hostalaría e restauración e das normas que prohiben nestes establecementos o consumo na barra	Art. 41.g) da Lei 8/2008, do 10 de xullo, de saúde de Galicia	Artigo 44.1 e 44.2 da Lei 8/2008, do 10 de xullo, de saúde de Galicia	200 euros
SCOVID/CAMBADOS/0313	35482122E	Incumprimento da obrigra de uso de máscaras ou doutros medios de protección, ou o uso inadecuado dunhas ou doutros, nos termos establecidos pola normativa sanitaria ou polas medidas de prevención, ordes, resolucións ou actos aprobados, por razóns de protección da saúde pública, polas autoridades sanitarias competentes, se as repercusións producidas tiveron unha incidencia escasa ou sen transcendencia directa na saúde da poboación.	Art. 41.bis.a) da Lei 8/2008, do 10 de xullo, de saúde de Galicia	Art. 44.bis) da Lei 8/2008, do 10 de xullo, de saúde de Galicia	100 euros