De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, as notificacións que non se puidesen efectuar faranse por medio de anuncio no Boletín Oficial del Estado (BOE), co contido sinalado no artigo 46 da mesma lei, e a súa eficacia quedará supeditada á súa publicación no taboleiro de edictos único (TEU) do BOE.

Polo anterior, e logo de intentar a notificación persoal nos domicilios que constan nos nosos arquivos, notifícanselles ás persoas traballadoras ou asimiladas, beneficiarias e solicitantes de prestacións por desemprego que se sinalan no anexo, as comunicacións de inicio do procedemento sancionador por infraccións na orde social. A seguir publícase este anuncio, que terá efectos a partir do día seguinte ao da súa publicación no BOE.

Sen prexuízo do anterior, e en virtude do disposto no artigo 44 da Lei 39/2015, do 1 de outubro, do procedemento administrativo común das administracións públicas, este anuncio publícase no Diario Oficial de Galicia.

Así mesmo, fáiselles saber ás persoas interesadas que segundo o disposto no punto 3, do artigo 37.bis, do Regulamento xeral sobre procedementos para a imposición de sancións por infraccións na orde social e para os expedientes liquidatorios de cotas da Seguridade Social, aprobado polo Real decreto 928/1998, do 14 de maio, dispoñen dun prazo de quince (15) días hábiles seguintes ao da publicación deste anuncio no Boletín Oficial del Estado (BOE), para presentar por escrito en calquera dos lugares recollidos no artigo 16 da Lei 39/2015, do 1 de outubro, do procedemento administrativo común das administracións públicas, as alegacións que consideren oportunas, documentalmente acreditadas, e dirixilas á oficina de emprego que lles corresponda.

Para o coñecemento e constancia do texto íntegro do acto que se notifica, as persoas interesadas durante ese prazo poderán comparecer ante as dependencias da oficina de emprego que corresponda en horario das 9.00 ás 14.00 horas, de luns a venres.

Advírteselles ás persoas interesadas que se, transcorrido o devandito prazo, non achegan alegacións en tempo e forma, ditarase a correspondente resolución por parte desta xefatura territorial, que dispón dun prazo de seis (6) meses, desde a data do acordo, para notificarlles a resolución pertinente.

Lugo, 7 de outubro de 2022

Pilar Fernández López
Xefa territorial de Lugo

ANEXO

	Persoa interesada	Nº expediente	Acto que se notifica	Concello
1	X9350714H	X9350714H/23-05-2022/2.1.D	Inicio procedemento sancionador	Lugo
2	25139071W	25139071W/03-11-2021/2.1.E	Inicio procedemento sancionador	Lugo
3	34322852K	34322852K/26-01-2022/2.1.E	Inicio procedemento sancionador	Lugo
4	Y6289794K	Y6289794K/25-02-2022/2.1.E	Inicio procedemento sancionador	Lugo
5	X5291780D	X5291780D/14-02-2022/2.1.E	Inicio procedemento sancionador	Lugo
6	33348739G	33348739G/22-02-2022/2.1.E	Inicio procedemento sancionador	Lugo
7	Y6334687H	Y6334687H/28-03-2022/2.1.E	Inicio procedemento sancionador	Lugo
8	X6989677T	X6989677T/31-03-2022/2.1.A	Inicio procedemento sancionador	Lugo