No BOP da Coruña número 209, do 4 de novembro, publicáronse as bases específicas que regulan a convocatoria para cubrir tres prazas de funcionarios de carreira no corpo da policía local, pertencentes á escala básica, categoría policía, subgrupo C1. Dúas prazas polo sistema selectivo de acceso por oposición libre e unha polo proceso de provisión de posto por mobilidade. Esta convocatoria específica desenvolve as bases xerais para a provisión de prazas vacantes convocadas polo Concello de Oleiros para o ano 2022, publicadas no BOP da Coruña número 182, do 23 de setembro de 2022. O prazo de presentación de instancias será de vinte días hábiles, contados desde o día seguinte ao da publicación do anuncio desta convocatoria no Boletín Oficial del Estado. Despois da dita publicación, os sucesivos anuncios relativos á convocatoria publicaranse no BOP da Coruña e no taboleiro de anuncios do Concello.

Oleiros, 3 de novembro de 2022

O alcalde
P.D. (Decreto de Alcaldía nº 2019002619, do 20 de xuño)
Margarita Figueroa Vázquez
Segunda tenente de alcalde delegada de Persoal