Para os efectos de darlle cumprimento ao solicitado polo Xulgado do Contencioso-Administrativo núm. 2 da Coruña, en relación co procedemento ordinario núm. 209/2022, interposto polas persoas con DNI 32382021E, 32571809Z e 32361706G, contra a resolución desestimatoria ditada polo director da Axencia de Protección da Legalidade Urbanística no recurso de reposición o 10.8.2022, interposto contra outra do 6.10.2021, expediente COL/38/2019-RP1-RP2, pola que se ordena a restitución das cousas e a súa reposición ao estado anterior ao da comisión da infracción, debendo proceder á demolición das obras dunha edificación residencial, no lugar de Calcoba, núm. 17, no termo municipal de Fisterra, dentro da zona de servidume de proteccción do dominio público marítimo-terrestre, esta dirección resolveu ordenar a remisión do correspondente expediente ao Xulgado do Contencioso-Administrativo núm. 2 da Coruña.

Ao non poder realizarse a notificación persoal do emprazamento, mediante esta cédula (que ao abeiro do disposto no artigo 44 da Lei 39/2015, do procedemento administrativo común das administracións públicas-LPACAP, notifícaselle por medio dun anuncio publicado no Boletín Oficial del Estado) emprázase a persoa con DNI 33326612A para que poida presentarse como interesada nos autos no prazo de nove días, de acordo co disposto no artigo 49.1 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 15 de novembro de 2022

Jacobo Hortas García
Director da Axencia de Protección da Legalidade Urbanística