O 4 de outubro de 2022 publicouse no Diario Oficial de Galicia a Orde do 12 de setembro de 2022, conxunta da Vicepresidencia Primeira e Consellería de Economía, Industria e Innovación e da Consellería de Cultura, Educación, Formación Profesional e Universidades,pola que se establecen as bases para a concesión, en réxime de concorrencia competitiva, das axudas para a formación de doutores e doutoras das universidades do SUG en empresas e centros de innovación e tecnoloxía, programa Doutoramentos industriais, e se procede á súa convocatoria para o exercicio 2022 (código de procedemento administrativo IN606D).
Rematado o prazo de presentación de solicitudes, iniciouse a revisión da documentación achegada polos solicitantes para a continuación realizar a súa avaliación. A complexidade do seu proceso de avaliación non permite resolver as axudas nos prazos previstos polo que, co fin de viabilizar os procesos de execución e xustificación das axudas concedidas por parte dos beneficiarios resultantes e dado que non se causa prexuízo a terceiros, considérase necesario ampliar o prazo de xustificación para o ano 2022 establecido nos artigos 17.3 e 18.3 da convocatoria.
Polo que antecede procede,
RESOLVER:
Artigo único. Modificación dos artigos 17.3 e 18.3 da Orde do 12 de setembro de 2022, conxunta da Vicepresidencia Primeira e Consellería de Economía, Industria e Innovación e da Consellería de Cultura, Educación, Formación Profesional e Universidades, pola que se establecen as bases para a concesión, en réxime de concorrencia competitiva, das axudas para a formación de doutores e doutoras das universidades do SUG en empresas e centros de innovación e tecnoloxía, programa Doutoramentos industriais, e se procede á súa convocatoria para o exercicio 2022 (código de procedemento administrativo IN606D)
1. O artigo 17.3 da citada orde queda redactado do seguinte xeito:
17.3. A data límite para a sinatura dos contratos, que se establecerá na resolución de adxudicación das axudas, será para todos os beneficiarios o 30 de decembro de 2022.
2. O artigo 18.3 da citada orde queda redactado do seguinte xeito:
18.3. A documentación indicada achegarase consonte a seguinte periodización:
Período de xustificación |
Data límite |
1ª xustificación – A documentación indicada nas epígrafes a) e d) do punto 2 deste artigo. Con esta xustificación unicamente se librarán os fondos relativos ao complemento por persoa contratada, destinados a cada unha das entidades beneficiarias. |
30 de decembro de 2022 |
2ª xustificación: mensualidades de decembro de 2022 a marzo de 2023, ambos os meses incluídos. – A documentación indicada nas epígrafes c), d),e), f), g) e h) do punto 2 deste artigo. Con esta xustificación libraranse os fondos relativos aos gastos da persoa contratada, aos gastos relacionados co proxecto de doutoramento industrial e aos fondos relativos ao complemento da persoa contratada, |
31 de maio de 2023 |
3ª xustificación: de abril de 2023 a setembro de 2023, ambos os meses incluídos. – A documentación indicada nas epígrafes a), b), d), e), f), g), h) do punto 2 deste artigo e a documentación que se indica no punto 6 deste artigo. Con esta xustificación libraranse os fondos relativos aos gastos da persoa contratada e aos gastos relacionados co proxecto de doutoramento industrial. |
30 de novembro de 2023 |
4ª xustificación: de outubro de 2023 a marzo de 2024, ambos os meses incluídos. – A documentación indicada nas epígrafes e), f), g) e h) do punto 2 deste artigo e a documentación que se indica no punto 6 deste artigo. Con esta xustificación libraranse os fondos relativos aos gastos da persoa contratada, aos gastos relacionados co proxecto de doutoramento industrial e aos fondos relativos ao complemento da persoa contratada. |
31 de maio de 2024 |
5ª xustificación: de abril de 2024 a setembro de 2024, ambos os meses incluídos – A documentación indicada nas epígrafes a), b), d), e), f), g), h) e i) do punto 2 deste artigo e a documentación que se indica no punto 6 deste artigo. Con esta xustificación libraranse os fondos relativos aos gastos da persoa contratada e aos gastos relacionados co proxecto de doutoramento industrial. Coa data do pagamento relativo a esta xustificación librarase tamén o importe das estadías. |
30 de novembro de 2024 |
6ª xustificación: de outubro de 2024 a marzo de 2025, ambos os meses incluídos – A documentación indicada nas epígrafes e), f), g) e h) do punto 2 deste artigo e a documentación que se indica no punto 6 deste artigo. Con esta xustificación libraranse os fondos relativos aos gastos da persoa contratada e os gastos relacionados co proxecto de doutoramento industrial. |
30 de maio de 2025 |
7ª xustificación: de abril de 2025 ata setembro de 2025, ambos os meses incluídos – A documentación indicada nas epígrafes d), e), f), g) e h) do punto 2 deste artigo e a documentación que se indica no punto 5 deste artigo que se ten que enviar coa última xustificación. Con esta xustificación libraranse os fondos relativos aos gastos da persoa contratada e os gastos relacionados co proxecto de doutoramento industrial. |
30 de novembro de 2025 |
8ª xustificación: de outubro de 2025 ata a finalización dos contratos – A documentación indicada nas alíneas d), e), f), g) e h) do punto 2 deste artigo e a documentación que se indica no punto 6 deste artigo que se ten que enviar coa última xustificación. |
1 de marzo de 2026 |
Santiago de Compostela, 29 de novembro de 2022
Francisco Conde López Vicepresidente primeiro e conselleiro de Economía, Industria e Innovación |
O conselleiro de Cultura, Educación, Formación Profesional e Universidades P.D. (Orde do 9 de febreiro de 2021) Manuel Vila López |