|
Para os efectos previstos na normativa da Unión Europea reguladora dos fondos europeos en relación coa obriga de información e publicidade das actuacións cofinanciadas polos ditos fondos, anexo XII do Regulamento (UE) nº 1303/2013 do Parlamento Europeo e do Consello, do 17 de decembro de 2013, dáse publicidade á actuación contratada, de acordo co disposto na Lei 9/2017, do 8 de novembro, de contratos do sector público, pola que se traspoñen ao ordenamento xurídico español as directivas do Parlamento Europeo e do Consello 2014/23/UE e 2014/24/UE, do 26 de febreiro de 2014, que a seguir se indica por razón do seu cofinanciamento pola Unión Europea:
1. Expedientes de contratación:
A) Contratación da obra de implantación do hospital de día onco-hematolóxico polivalente e ampliación de farmacia no hospital comarcal de Monforte (Lugo) (expediente AB-SER3-20-003).
1. Poder adxudicador: datos xerais e datos para a obtención da información:
a) Organismo: Servizo Galego de Saúde
b) Dependencia que tramita o expediente: Dirección Xeral de Recursos Económicos, por delegación polo Decreto 137/2019, do 10 de outubro, polo que se establece a estrutura orgánica do Servizo Galego de Saúde (DOG núm. 208, do 31 de outubro), e a Orde do 22.4.2020 sobre delegación de competencias en órganos centrais e periféricos da Consellería de Sanidade e do Servizo Galego de Saúde e na Axencia Galega para a Xestión do Coñecemento en Saúde (DOG núm. 82, de 29 de abril).
c) Obtención de documentación e información:
i) Dependencia: Dirección Xeral de Recursos Económicos. Subdirección Xeral de Investimentos.
ii) Dirección: Edificio Administrativo San Lázaro, s/n.
iii) Localidade e código postal: 15781 Santiago de Compostela
iv) Teléfonos: 881 54 74 38 (cuestións administrativas) e 881 54 00 73 (cuestións técnicas).
v) Telefax: 881 54 27 62.
vi) Código NUTS: ES11.
vii) Enderezo electrónico: servizo.xestion@sergas.es
viii) Enderezo de internet do perfil de contratante:
https://www.sergas.gal e https://www.contratosdegalicia.gal
2. Tipo de poder adxudicador: organismo de dereito público. A súa principal actividade: saúde.
3. Obxecto do contrato:
a) Tipo: contrato de obras.
b) Descrición: obra de implantación do hospital de día onco-hematolóxico polivalente e ampliación de farmacia no hospital comarcal de Monforte (Lugo).
c) División por lotes e número: non procede.
d) Admisión de prórroga: non.
e) CPV: 45262700-8.
f) Medio e data de publicación do anuncio de licitación: perfil de contratante o día 12.3.2020.
4. Tramitación e procedemento:
a) Tramitación: ordinaria.
b) Procedemento: aberto e non suxeito a regulación harmonizada.
c) Poxa electrónica: non. Licitación electrónica: si.
d) Criterios de adxudicación: criterios avaliables mediante aplicación de xuízo de valor (sobre B) ata 50 puntos. Criterios avaliables mediante a aplicación de fórmulas (sobre C) ata 50 puntos, de acordo co establecido no punto 12.1 do PCAP.
5. Orzamento base de licitación: Importe estimado sen IVE: 1.178.100,76 € € IVE (%): 21 %. Importe total con IVE: 1.425.501,92 €.
6. Formalización do contrato:
a) Data de adxudicación: 18 de febreiro de 2021.
b) Número de ofertas recibidas: 4.
c) Data de formalización do contrato: 25 de febreiro de 2021.
d) Adxudicatario:
i) Nome: Construcciones Ramírez, S.L.
ii) NIF: B360*****5.
iii) Enderezo: avenida de Vigo.
iv) Localidade e código postal: Pontevedra.
v) Teléfono: 986 8****0.
vi) Enderezo electrónico: ramirez@construccionesramirez.com
vii) É peme (segundo a normativa europea): si.
viii) Pertence a un grupo de empresas: non.
e) Importe de adxudicación. Importe neto 1.146.881,09 €. IVE (%) 21 % Importe total 1.387.726,12 €.
f) Posibilidade de subcontratar terceiros: si.
g) Vantaxes da oferta adxudicataria: a oferta do adxudicatario foi seleccionada como a máis vantaxosa, mediante a aplicación dos criterios que figuran no prego de cláusulas administrativas particulares. A resolución de adxudicación atópase publicada no perfil de contratante.
7. Outra información:
Publicidade do anuncio de licitación no perfil de contratante: 12 de marzo de 2020.
Publicidade do anuncio de formalización do contrato no perfil de contratante: 19 de maio de 2021.
B) Contratación do servizo de dirección de execución material da obra de implantación do hospital de día onco-hematolóxico polivalente e ampliación de farmacia no Hospital Comarcal de Monforte (Lugo) (expediente CM-SER3-20-060).
1. Obxecto do contrato: servizo de dirección de execución material da obra de implantación do hospital de día onco-hematolóxico polivalente e ampliación de farmacia no Hospital Comarcal de Monforte (Lugo).
2. Importe de adxudicación con IVE: 15.276,25 €.
3. Duración: igual ao contrato de obras.
4. Adxudicatario: José María Palomero Gómez, con DNI 766****9D.
C) Contratación do servizo de coordinación de seguridade e saúde (CSS) da obra de implantación do hospital de día onco-hematolóxico polivalente e ampliación de farmacia no Hospital Comarcal de Monforte (Lugo) (expediente CM-SER3-20-061).
1. Obxecto do contrato: servizo de coordinación de seguridade e saúde (CSS) da obra de implantación do hospital de día onco-hematolóxico polivalente e ampliación de farmacia no Hospital Comarcal de Monforte (Lugo).
2. Importe de adxudicación con IVE: 7.078,50 €.
3. Duración: igual ao contrato de obras.
4. Adxudicatario: Antonio Ángel Blanco Alzueta, con DNI 348****0G.
2. Financiamento.
Todas estas actuacións financiaranse ao 100 % do gasto elixible no marco do instrumento de axuda á recuperación para a cohesión e os territorios de España (REACT-EU), no marco do programa operativo Feder Galicia 2014-2020.
A actuación enmárcase dentro do programa operativo no eixe prioritario 20: favorecer a reparación da crise no contexto da pandemia da COVID-19 e as súas consecuencias sociais e preparar unha recuperación verde, dixital e resiliente da economía; prioridade de investimento 13.i: favorecer a reparación da crise no contexto da pandemia da COVID-19 e as súas consecuencias sociais e preparar unha recuperación verde, dixital e resiliente da economía; obxectivo específico 20.1.5 REACT-UE 5: apoiar investimentos en infraestruturas que presten servizos básicos aos cidadáns.
A axuda á recuperación para a cohesión e os territorios de Europa (REACT-UE) é unha iniciativa que prosegue e amplía as medidas de resposta á crise e de reparación da crise proposta na Iniciativa de investimento en resposta ao coronavirus (IIRC) e na Iniciativa de investimento en resposta ao coronavirus plus (IIRC+).
O REACT-UE inclúe fondos adicionais que se porán á disposición do Feder, entre outros fondos europeos, operando así como fondos estruturais, e procederán do Fondo de recuperación NextGenerationEU, instrumento financeiro excepcional de recuperación temporal.
Os recursos REACT-UE prestarán asistencia para favorecer a reparación da crise no contexto da pandemia da COVID-19 e as súas consecuencias sociais e para preparar unha recuperación verde, dixital e resiliente da economía.
3. Información.
3.1. Servizo do cal se pode obter información: Subdirección Xeral de Investimentos. Servizo de Xestión. Dirección electrónica: servizo.xestion@sergas.es
3.2. Datos e referencias de publicacións anteriores no Diario Oficial de la Unión Europea relevantes para o contrato: non procede.
Santiago de Compostela, 28 de novembro de 2022
O presidente do Servizo Galego de Saúde
P.D. (Decreto 137/2019 e Orde 22.4.2020)
María Jesús Piñeiro Bello
Directora xeral de Recursos Económicos