Mediante a Resolución da Alcaldía do Concello de Trasmiras do 2 de decembro de 2022, aprobáronse as bases e a convocatoria para cubrir as seguintes prazas.

No Boletín Oficial da provincia de Ourense número 281, do 10 de decembro de 2022, publicáronse integramente as bases que rexerán a convocatoria para prover mediante concurso-oposición e concurso (proceso de estabilización de emprego temporal):

– Unha praza de auxiliar de axuda no fogar, mediante o sistema de concurso-oposición, xornada completa.

– Tres prazas de auxiliar de axuda no fogar, mediante o sistema de concurso, xornada completa.

– Unha praza de auxiliar administrativo/a, mediante o sistema de concurso, xornada completa.

– Unha praza de oficial/a de primeira de obras e servizos, mediante o sistema de concurso, xornada completa.

– Unha praza de oficial/a encargado/a de servizos e obras, encargado/a do servizo de augas, mediante o sistema de concurso, xornada completa.

– Unha praza de traballador/a social, mediante o sistema de concurso, xornada completa.

– Unha praza de arquitecto/a municipal, mediante o sistema de concurso, xornada parcial: 10 h/semana.

O prazo de presentación de solicitudes será de vinte (20) días hábiles, contados desde o seguinte ao da publicación deste anuncio no Boletín Oficial del Estado.

Os sucesivos anuncios referentes a esta convocatoria, cando procedan de conformidade coas bases, faranse públicos na sede electrónica municipal (https://trasmiras.sedelectronica.gal).

Trasmiras, 12 de decembro de 2022

Emilio José Pazos Ojea
Alcalde