DOG 239 do 19/12/2022 - ANUNCIO da aprobación definitiva do estudo de detalle formulado para a ordenación de volumes na parcela 12/5 do rueiro 12/5 do polígono Aceña de Olga, que modifica o anteriormente aprobado definitivamente polo Acordo plenario do 10 de decembro de 1997.

VI. Anuncios

b) Administración local

Concello de Lugo

ANUNCIO da aprobación definitiva do estudo de detalle formulado para a ordenación de volumes na parcela 12/5 do rueiro 12/5 do polígono Aceña de Olga, que modifica o anteriormente aprobado definitivamente polo Acordo plenario do 10 de decembro de 1997.

O Pleno da Corporación, en sesión que tivo lugar o día 24.11.2022, adoptou o seguinte acordo:

Primeiro. Aprobar definitivamente, de conformidade co informe favorable da Dirección Xeral do Patrimonio Cultural do 8.8.2022, o estudo de detalle formulado pola mercantil Thor Private Equity Spain, S.L., representada por Pedro Cardenal García e redactado por Tellocardenal Arquitectos, S.L.P., para a ordenación de volumes na parcela 12/5 do rueiro 12/5 do polígono Aceña de Olga, que modifica o anteriormente aprobado definitivamente polo Acordo plenario do 10 de decembro de 1997 (artigo 80.2 da Lei 2/2016, do 10 de febreiro, do solo de Galicia).

Segundo. Proceder á publicación deste acordo de aprobación definitiva no DOG, no prazo dun mes desde a súa adopción. Xunto coa publicación deste acordo publicarase a referencia ao enderezo electrónico en que figurará o contido íntegro deste estudo de detalle á disposición do público (artigo 82.2 da LSG).

Terceiro. Unha vez publicado o anuncio no DOG, ao cal fai referencia o anterior acordo, proceder á remisión dun exemplar deste estudo de detalle en soporte dixital, debidamente dilixenciado, á Consellería de Medio Ambiente, Territorio e Vivenda (CMATV) para a súa inscrición no Rexistro de Planeamento Urbanístico de Galicia. Esta inscrición é requisito de eficacia do acordo de aprobación definitiva (artigo 88 da LSG). Posteriormente, procederase á publicación do anuncio no BOP, conforme o establecido nos artigos 82.3 e 88.4 da LSG.

Cuarto. Notificarlles este acordo aos interesados e indicarlles que contra el poderán interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia (artigo 10 da Lei 29/1998, do 13 de xullo) nun prazo de dous meses, contados a partir do día seguinte ao da notificación do presente acto, o cal pon fin á vía administrativa (artigo 46 da Lei 29/1998, do 13 de xullo), sen prexuízo de que poidan interpoñer calquera outro recurso ou reclamación que consideren conveniente ao seu dereito.

O contido íntegro do documento aprobado poderá consultarse na seguinte ligazón:

https://concellodelugo.gal/gl/actuacions/normativa-urbanistica

Lugo, 9 de decembro de 2022

A alcaldesa
P.D. (Decreto número 2973/2021)
Álvaro Santos Ramos
Tenente de alcaldesa delegado da Área de Sostibilidade Urbana