Unha vez rematado o proceso selectivo para o ingreso, pola quenda de promoción interna, no corpo administrativo da Administración xeral da Comunidade Autónoma de Galicia, subgrupo C1, convocado pola Orde do 7 de xaneiro de 2020 (DOG núm. 21, do 31 de xaneiro), e visto o Acordo do 12 de decembro de 2022 (DOG núm. 241, do 21 de decembro), e que a persoa proposta para o seu nomeamento acreditou a documentación prevista na base IV.2 da convocatoria, esta consellería, de conformidade co disposto na Lei 2/2015, do 29 de abril, do emprego público de Galicia, e demais normas concordantes,
RESOLVE:
Primeiro. Nomear persoal funcionario de carreira do corpo administrativo da Administración xeral da Comunidade Autónoma de Galicia, subgrupo C1, a persoa aspirante aprobada que se relaciona no anexo desta resolución, ordenada de acordo coa puntuación final obtida, e adxudicarlle como destino definitivo, segundo o disposto na base IV.6, o que figura no mesmo anexo.
Para adquirir a condición de persoal funcionario de carreira, a persoa a que se refire o anexo desta resolución deberá cumprir os requisitos exixidos no artigo 60 da Lei 2/2015, do 29 de abril, e tomar posesión do correspondente posto de traballo no prazo dun mes, que comezará a computarse a partir do día seguinte ao da publicación desta resolución no Diario Oficial de Galicia.
Segundo. Contra esta resolución, que pon fin á vía administrativa, poderase interpoñer, con carácter potestativo, recurso de reposición ante o conselleiro de Facenda e Administración Pública no prazo dun mes contado desde o día seguinte ao da súa publicación, ou directamente recurso contencioso-administrativo, no prazo de dous meses contados desde esa mesma data, ante a Sala do Contencioso-Administrativo do Tribunal Superior de Xustiza de Galicia, conforme o disposto na Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 23 de decembro de 2022
O conselleiro de Facenda e Administración Pública
P.D. (Orde do 8.1.2020; DOG núm. 16, do 24 de xaneiro)
José María Barreiro Díaz
Director xeral da Función Pública
ANEXO
Nº |
DNI |
Apelidos e nome |
Destino |
Código do posto |
Denominación |
Cons. |
Centro de destino |
Centro directivo |
Concello |
Adscr. |
Niv. |
188 |
***1252** |
Sineiro Torres, María Teresa |
Definitivo |
EIC991000036001082 |
Xefatura Negociado III |
EI |
Xefatura Territorial Pontevedra |
Servizo Provincial |
Pontevedra |
A2, C1, C2 |
18 |