DOG 8 do 12/01/2023 - ANUNCIO do 11 de xaneiro de 2023 polo que se modifica o Anuncio do 28 de decembro de 2022 polo que se convoca o proceso selectivo para a cobertura, pola quenda de acceso libre e mediante o sistema de concurso, das prazas de persoal laboral identificadas no anexo I do Decreto 79/2022, do 25 de maio, polo que se aproba a oferta de emprego público extraordinaria de prazas de persoal funcionario e laboral da Administración xeral e das entidades instrumentais do sector público autonómico da Comunidade Autónoma de Galicia, correspondente ao proceso de estabilización derivada da Lei 20/2021, do 28 de decembro, de medidas urxentes para a redución da temporalidade no emprego público, e de prazas de persoal laboral obxecto de funcionarización, de conformidade coa Lei 2/2015, do 29 de abril, do emprego público de Galicia.

IV. Oposicións e concursos

Axencia Galega da Calidade Alimentaria

ANUNCIO do 11 de xaneiro de 2023 polo que se modifica o Anuncio do 28 de decembro de 2022 polo que se convoca o proceso selectivo para a cobertura, pola quenda de acceso libre e mediante o sistema de concurso, das prazas de persoal laboral identificadas no anexo I do Decreto 79/2022, do 25 de maio, polo que se aproba a oferta de emprego público extraordinaria de prazas de persoal funcionario e laboral da Administración xeral e das entidades instrumentais do sector público autonómico da Comunidade Autónoma de Galicia, correspondente ao proceso de estabilización derivada da Lei 20/2021, do 28 de decembro, de medidas urxentes para a redución da temporalidade no emprego público, e de prazas de persoal laboral obxecto de funcionarización, de conformidade coa Lei 2/2015, do 29 de abril, do emprego público de Galicia.

1. Detectado un erro no anuncio publicado no Diario Oficial de Galicia núm. 247, do xoves 29 de decembro de 2022, procede a súa corrección.

Na páxina 66662, onde di: «O prazo de presentación das solicitudes é de vinte (20) días hábiles, que se iniciará o día seguinte ao da publicación do anuncio destas bases no Diario Oficial de Galicia (DOG)», debe dicir: «O prazo de presentación das solicitudes é de vinte (20) días hábiles, contados desde as 00.00 do día 16 de xaneiro de 2023».

2. As solicitudes presentadas, con base no Anuncio do 28 de decembro de 2022, ata o día de publicación do presente anuncio consideraranse, para os efectos da súa tramitación, como presentadas o día 16 de xaneiro de 2023.

Santiago de Compostela, 11 de xaneiro de 2023

José Luis Cabarcos Corral
Director da Axencia Galega da Calidade Alimentaria