Mediante o Acordo da Xunta de Goberno Local, do 15 de decembro de 2022, aprobáronse as bases xerais e específicas, así como a convocatoria para cubrir as prazas correspondentes á oferta de emprego público de 2022, dentro do proceso de estabilización do emprego temporal.

No Boletín Oficial da provincia de Pontevedra núm. 244, do 23 de decembro de 2022, aparecen integramente publicadas as bases do proceso selectivo, no marco do proceso de estabilización de emprego temporal (Lei 20/2021, do 28 de decembro, de medidas urxentes para a redución da temporalidade no emprego público), para cubrir as seguintes vacantes: 1 arquitecto/a (grupo A1, funcionario/a de carreira); 1 axente de emprego de desenvolvemento local (grupo A2, funcionario/a de carreira); 1 traballador/a social (grupo de clasificación II, laboral fixo); 1 auxiliar administrativo/a de servizos sociais (grupo de clasificación IV, laboral fixo).

O prazo de presentación de solicitudes será de vinte (20) días hábiles, contados desde o día seguinte ao da publicación deste anuncio no BOE.

Os sucesivos anuncios desta convocatoria, cando procedan de conformidade coas bases, publicaranse no Boletín Oficial da provincia de Pontevedra. Así mesmo, publicaranse na sede electrónica deste concello: http://soutomaior.sedelectronica.es

Soutomaior, 23 de decembro de 2022

Agustín Reguera Ocampo
Alcalde