DOG 14 do 20/01/2023 - CORRECCIÓN DE ERROS. Resolución do 23 de decembro de 2022, da Dirección Xeral de Recursos Humanos, pola que se publica o acordo adoptado pola Mesa sectorial de negociación do persoal estatutario sobre os criterios básicos dos baremos das convocatorias dos procesos de estabilización derivados da Lei 20/2021, do 28 de decembro, de medidas urxentes para a redución da temporalidade no emprego público.

IV. Oposicións e concursos

Servizo Galego de Saúde

CORRECCIÓN DE ERROS. Resolución do 23 de decembro de 2022, da Dirección Xeral de Recursos Humanos, pola que se publica o acordo adoptado pola Mesa sectorial de negociación do persoal estatutario sobre os criterios básicos dos baremos das convocatorias dos procesos de estabilización derivados da Lei 20/2021, do 28 de decembro, de medidas urxentes para a redución da temporalidade no emprego público.

Advertido erro na citada resolución, publicada no Diario Oficial de Galicia número 247, do xoves 29 de decembro de 2022, cómpre facer a seguinte corrección:

Na páxina 66.659, no punto 2.1.3, onde di: «Os servizos prestados como persoal temporal na mesma categoría e especialidade ou categoría equivalente homologada por conta e baixo dependencia de institucións sanitarias dun país da Unión Europea, do Espazo Económico Europeo ou Suíza, e servizos prestados en institucións con contrato de servizos públicos (concertadas): 0,06 puntos/mes.», debe dicir: «Os servizos prestados como persoal temporal na mesma categoría e especialidade ou categoría equivalente homologada por conta e baixo dependencia de institucións sanitarias públicas dun país da Unión Europea, do Espazo Económico Europeo ou Suíza, e servizos prestados en institucións con contrato de servizos públicos (concertadas): 0,06 puntos/mes.».